নাৰী শক্তিৰ নতুন অধ্যায়: কাৰ্যকৰী হ’ল ‘মহিলা সংৰক্ষণ আইন, ২০২৩’
- মহিলা সংৰক্ষণ আইন, ২০২৩ আনুষ্ঠানিকভাৱে কাৰ্যকৰী
- সংসদ আৰু ৰাজ্যিক বিধানসভাত ৩৩% আসন মহিলাৰ বাবে সংৰক্ষিত হ’ব
- নাৰী শক্তিৰ ৰাজনৈতিক অংশগ্ৰহণ বৃদ্ধিৰ ক্ষেত্ৰত ঐতিহাসিক সিদ্ধান্ত
- চৰকাৰৰ অধিসূচনাৰ জৰিয়তে আইনখন কাৰ্যকৰী ঘোষণা
- দেশৰ বিধানসভা আৰু সংসদত ৩৩% মহিলা সংৰক্ষণ নিশ্চিত কৰাৰ লক্ষ্যৰে কেন্দ্ৰীয় চৰকাৰৰ গুৰুত্বপূৰ্ণ পদক্ষেপ
সমগ্ৰ সামাচাৰ সেৱা
দিল্লী, ১৭ এপ্ৰিল: দেশৰ ৰাজনৈতিক ক্ষেত্ৰত নাৰী শক্তিৰ অংশগ্ৰহণ অধিক সুদৃঢ় কৰাৰ উদ্দেশ্যে কেন্দ্ৰীয় চৰকাৰে ‘মহিলা সংৰক্ষণ আইন, ২০২৩’ কাৰ্যকৰী হোৱাৰ বিষয়ে আনুষ্ঠানিক অধিসূচনা জাৰি কৰিছে। এই আইন অনুসৰি লোকসভা আৰু ৰাজ্যিক বিধানসভাসমূহত মহিলাৰ বাবে ৩৩ শতাংশ আসন সংৰক্ষণ কৰা হ’ব।
এই সিদ্ধান্তক দেশৰ গণতান্ত্ৰিক ব্যৱস্থাত এক ঐতিহাসিক পদক্ষেপ হিচাপে গণ্য কৰা হৈছে। বহু বছৰ ধৰি চলি থকা দাবীৰ পিছত অৱশেষত এই আইন কাৰ্যকৰী হোৱাত মহিলা নেত্ৰীসকলৰ লগতে বিভিন্ন সমাজসংগঠনসমূহেও সন্তুষ্টি প্ৰকাশ কৰিছে।
চৰকাৰৰ মতে, এই আইন প্ৰৱৰ্তনৰ ফলত ৰাজনৈতিক সিদ্ধান্ত গ্ৰহণ প্ৰক্ৰিয়াত মহিলাৰ অংশগ্ৰহণ বৃদ্ধি পাব আৰু দেশৰ সামগ্ৰিক উন্নয়ন প্ৰক্ৰিয়াত নাৰী শক্তিৰ অৱদান অধিক দৃশ্যমান হ’ব। বিশেষকৈ গ্ৰাম্য আৰু পিছপৰা অঞ্চলৰ মহিলাসকলৰ বাবে এই ব্যৱস্থা এক নতুন সুযোগৰ দুৱাৰ মুকলি কৰিব বুলি আশা প্ৰকাশ কৰা হৈছে।
উল্লেখযোগ্য যে, এই আইন কাৰ্যকৰী কৰাৰ জৰিয়তে সংসদত “নাৰী শক্তি”ৰ উপস্থিতি অধিক শক্তিশালী কৰাৰ লক্ষ্য লোৱা হৈছে
About The Author
