গুৱাহাটীত ঘোচ লোৱাৰ অভিযোগত ACS বিষয়া গ্ৰেপ্তাৰ
Oplus_131072
- গুৱাহাটীত ACS বিষয়া লাচিত কুমাৰ দাসক ঘোচ লোৱাৰ অভিযোগত হাতে-নাতে গ্ৰেপ্তাৰ
- অভিযানত ১.৬৬ কোটিতকৈ অধিক নগদ, ৮৬ লাখ টকাৰ ফিক্সড ডিপ’জিট উদ্ধাৰ
- ভূমি বিক্ৰীৰ NOC দিয়াৰ নামত ১ লাখ টকা দাবী কৰাৰ অভিযোগ
- একাধিক বেংক একাউণ্ট, বিমা পলিচি আৰু ভূমি-সংক্রান্ত নথি জব্দ
ঘোচ লোৱাৰ অভিযোগত ACS বিষয়া গ্ৰেপ্তাৰ
সমগ্ৰ সমাচাৰ সেৱা
গুৱাহাটী, ২৪ মে’: গুৱাহাটীত দুর্নীতিৰ অভিযোগত অসম অসামৰিক সেৱা (ACS)ৰ বিষয়া লাচিত কুমাৰ দাসক সততা আৰু দুৰ্নীতি নিবাৰণ সঞ্চালকালয়ে গ্ৰেপ্তাৰ কৰিছে। অভিযোগ অনুসৰি, ভূমি বিক্ৰীৰ অনুমতিৰ বাবে No Objection Certificate (NOC) জাৰি কৰাৰ নামত তেওঁ এজন অভিযোগকাৰীৰ পৰা ১ লাখ টকা ঘোচ দাবী কৰিছিল।
অভিযোগকাৰীয়ে ঘোচ দিবলৈ অস্বীকাৰ কৰি সততা আৰু দুৰ্নীতি নিবাৰণ সঞ্চালকালয়ক অভিযোগ দাখিল কৰাৰ পিছত বিষয়াটো তদন্ত আৰম্ভ হয়।
বৃহস্পতিবাৰে গুৱাহাটীৰ কাৰ্যালয়ত সততা আৰু দুৰ্নীতি নিবাৰণ শাখাই ফান্দ পাতি অভিযান চলায়। সেই সময়ত লাচিত কুমাৰ দাসক তেওঁৰ চেম্বাৰৰ ভিতৰত দাবী কৰা ঘোচৰ অংশ হিচাপে ৪৫ হাজাৰ টকা গ্ৰহণ কৰাৰ সময়তে হাতে-নাতে ধৰা হয়। ইয়াৰ পিছত তেওঁৰ বিৰুদ্ধে গোচৰ ৰুজু কৰা হয়।
গ্ৰেপ্তাৰৰ পিছত তেওঁৰ সৈতে জড়িত গুৱাহাটীৰ দুটা বাসগৃহত অভিযান চলাই প্ৰথমতে এটা লকাৰৰ পৰা ৪৮.৩৮ লাখ টকা নগদ আৰু দাস আৰু তেওঁৰ পৰিয়ালৰ নামত ৮০ লাখ টকাৰ ফিক্সড ডিপ’জিট উদ্ধাৰ কৰা হয়।
ইয়াৰ উপৰিও কুইন’ছ গাৰ্ডেন, বেলতলাৰ আন এটা বাসগৃহত চলোৱা অভিযানত ১.১৮ কোটিতকৈ অধিক নগদ, বিমা পলিচি, বেংক একাউণ্ট আৰু ভূমি-সংক্রান্ত নথিপত্ৰ উদ্ধাৰ কৰা হৈছে। উদ্ধাৰ হোৱা সম্পত্তিৰ আৰ্থিক তথ্য বৰ্তমান তদন্তৰ অধীনত আছে।
About The Author
