গুৱাহাটীত “সেৱা সে সমৃদ্ধি” আঞ্চলিক কৰ্মশালাৰ শুভাৰম্ভ

গুৱাহাটীত “Seva Se Samriddhi: Regional Workshop on Panchayat Led Service Delivery”ৰ আৰম্ভণি
পঞ্চায়তী ৰাজ মন্ত্ৰালয়ৰ উদ্যোগত CSC-SPV আৰু অসম চৰকাৰৰ সহযোগত আয়োজন
বিভিন্ন ৰাজ্যৰ পঞ্চায়তী ৰাজ প্ৰতিনিধিৰ অংশগ্ৰহণ
গ্ৰাম্য শাসন ব্যৱস্থা অধিক দায়বদ্ধ আৰু জনমুখী কৰাৰ ওপৰত গুৰুত্ব
পঞ্চায়ত নেতৃত্বাধীন সেৱা প্ৰদান ব্যৱস্থা শক্তিশালী কৰাৰ লক্ষ্য

গুৱাহাটীত আঞ্চলিক কৰ্মশালাৰ আয়োজন

সমগ্ৰ সমাচাৰ সেৱা
গুৱাহাটী, ২৯ মে’: অসমৰ গুৱাহাটীত আজি “Seva Se Samriddhi: Regional Workshop on Panchayat Led Service Delivery” শীৰ্ষক এক গুৰুত্বপূৰ্ণ আঞ্চলিক কৰ্মশালাৰ শুভাৰম্ভ হয়। কেন্দ্ৰীয় পঞ্চায়তী ৰাজ মন্ত্ৰালয়ৰ উদ্যোগত CSC-SPV আৰু অসম চৰকাৰৰ পঞ্চায়ত আৰু গ্ৰামোন্নয়ন বিভাগৰ সহযোগত এই কৰ্মশালাৰ আয়োজন কৰা হৈছে।
অনুষ্ঠানত কেন্দ্ৰীয় পঞ্চায়তী ৰাজ ৰাজ্যিক মন্ত্ৰী এছ. পি. সিং বাঘেল আৰু অসম চৰকাৰৰ ৰূপান্তৰ আৰু উন্নয়ন, শ্ৰম কল্যাণ তথা চাহ জনগোষ্ঠী আৰু আদিবাসী কল্যাণ মন্ত্ৰী ৰামেশ্বৰ তেলী উপস্থিত থাকে। ইয়াৰ উপৰিও বহু বিশিষ্ট ব্যক্তি আৰু বিষয়াবলী বিশেষজ্ঞই অংশগ্ৰহণ কৰে।
এই আঞ্চলিক কৰ্মশালাত অসম, অন্ধ্ৰ প্ৰদেশ, মধ্য প্ৰদেশ, পঞ্জাব,ওড়িশা,ৰাজস্থান আৰু তেলেংগানাৰ পঞ্চায়তী ৰাজ প্ৰতিষ্ঠানৰ প্ৰতিনিধি আৰু বিষয়াসকলে অংশগ্ৰহণ কৰে।
কৰ্মশালাৰ মূল লক্ষ্য হৈছে পঞ্চায়ত নেতৃত্বাধীন জনসেৱা প্ৰদান ব্যৱস্থা অধিক শক্তিশালী কৰা, সাধাৰণ জনতাৰ জীৱনযাত্ৰা সহজ কৰি তোলা আৰু তৃণমূল পৰ্যায়ত অধিক দায়বদ্ধ, সঁহাৰি-ভিত্তিক শাসন ব্যৱস্থা গঢ়ি তোলা। এই মঞ্চত বিভিন্ন ৰাজ্যৰ সফল অভিজ্ঞতা আৰু উত্তম পদ্ধতি বিনিময় কৰাৰ সুবিধাও সৃষ্টি কৰা হৈছে।