ন্যায়াধীশ বিচাৰপতি পি. এছ. নৰসিংহ আৰু বিচাৰপতি আলোক আৰাধেৰ খণ্ডপীঠে এই নিৰ্দেশ জাৰি কৰে।

এছিয়ান গেমছ ২০২৬ৰ নিৰ্বাচনী পৰীক্ষাত অংশগ্ৰহণৰ অনুমতি ভিনেশ ফোগাটক
উচ্চ ন্যায়ালয়ৰ নিৰ্দেশৰ বিৰুদ্ধে WFI-ৰ আবেদন শুনানি কৰি সিদ্ধান্ত উচ্চতম ন্যায়ালয়ৰ
মাতৃত্বজনিত বিৰতিৰ বাবে খেলুৱৈক বঞ্চিত কৰিব নোৱাৰি বুলি মন্তব্য
৩০ আৰু ৩১ মে’ত অনুষ্ঠিত হ’ব নিৰ্বাচনী পৰীক্ষা
এছিয়ান গেমছ নিৰ্বাচনী পৰীক্ষাত অংশগ্ৰহণৰ অনুমতি ভিনেশ ফোগাটক
উচ্চতম ন্যায়ালয়ৰ গুৰুত্বপূৰ্ণ নিৰ্দেশ

সমগ্ৰ সমাচাৰ সেৱা
দিল্লী, ৩০ মে’: ভাৰতৰ মহিলা কুস্তীগীৰ ভিনেশ ফোগাটক এছিয়ান গেমছ ২০২৬ৰ বাবে ৩০ আৰু ৩১ মে’ত অনুষ্ঠিত হ’বলগীয়া নিৰ্বাচনী পৰীক্ষাত অংশগ্ৰহণৰ অনুমতি প্ৰদান কৰিছে উচ্চ ন্যায়ালয়ে।

এই সিদ্ধান্ত গ্ৰহণ কৰা হয় Wrestling Federation of India (WFI)-য়ে দাখিল কৰা এক আবেদনৰ শুনানিৰ সময়ত। WFI-য়ে পূৰ্বে দিল্লী উচ্চতম ন্যায়ালয়ৰ সেই নিৰ্দেশক প্ৰত্যাহ্বান জনাইছিল, য’ত ভিনেশ ফোগাটক নিৰ্বাচনী পৰীক্ষাত অংশগ্ৰহণৰ অনুমতি দিয়া হৈছিল।

দিল্লী উচ্চ ন্যায়ালয়ৰ খণ্ডপীঠে মন্তব্য কৰিছিল যে WFI-ৰ নিৰ্বাচনী নীতি অত্যধিক সীমাবদ্ধ আৰু ইয়াত বিশেষ পৰিস্থিতিত বিবেচনাৰ কোনো সুযোগ নাই। আদালতে কয় যে মাতৃত্বজনিত বিৰতিৰ পিছত খেলপথাৰলৈ উভতি অহা ভিনেশ ফোগাটৰ দৰে অভিজ্ঞ আৰু প্ৰতিষ্ঠিত খেলুৱৈক বঞ্চিত কৰা উচিত নহয়।

আদালতে লগতে স্পষ্ট কৰি দিয়ে যে আইন আৰু ক্ৰীড়া নীতি এনে হ’ব লাগিব যাতে মাতৃত্ব মহিলা খেলুৱৈসকলৰ বাবে কোনো বাধা বা বঞ্চনাৰ কাৰণ নহয়।

উচ্চতম ন্যায়ালয়ৰ এই সিদ্ধান্তক মহিলা খেলুৱৈসকলৰ অধিকাৰ আৰু সমান সুযোগ সুনিশ্চিত কৰাৰ দিশত এক গুৰুত্বপূৰ্ণ পদক্ষেপ হিচাপে গণ্য কৰা হৈছে। ইয়াৰ ফলত মাতৃত্বজনিত বিৰতিৰ পিছত খেলপথাৰলৈ উভতি অহা খেলুৱৈসকলে অধিক সুৰক্ষা আৰু সমৰ্থন লাভ কৰাৰ আশা প্ৰকাশ কৰা হৈছে।