নতুন দিল্লীত ভাৰত-ম্যানমাৰ শীৰ্ষ বৈঠক

নতুন দিল্লীত প্ৰধানমন্ত্ৰী নৰেন্দ্ৰ মোদীৰ সৈতে সাক্ষাৎ কৰিব ম্যানমাৰৰ ৰাষ্ট্ৰপতি মিন অং হ্লাইঙে।
ভাৰত-ম্যানমাৰৰ ঐতিহাসিক আৰু সভ্যতাগত সম্পৰ্ক অধিক সুদৃঢ় কৰাৰ বিষয়ত আলোচনা হ’ব।
দুয়োখন দেশৰ দ্বিপাক্ষিক সহযোগিতা বৃদ্ধিৰ ওপৰত গুৰুত্ব আৰোপ কৰা হ’ব।
সীমান্ত, সংযোগ ব্যৱস্থা, বাণিজ্য আৰু আঞ্চলিক স্থিতিশীলতা সম্পৰ্কীয় বিষয়সমূহো আলোচনাত স্থান পাব পাৰে।
শীৰ্ষ পৰ্যায়ৰ কূটনৈতিক বৈঠক

প্ৰধানমন্ত্ৰী নৰেন্দ্ৰ মোদী আৰু ম্যানমাৰৰ ৰাষ্ট্ৰপতি মিন অং হ্লাইঙৰ মাজত গুৰুত্বপূৰ্ণ আলোচনা

সমগ্ৰ সমাচাৰ সেৱা
দিল্লী, ১ জুন: ভাৰতৰ প্ৰধানমন্ত্ৰী নৰেন্দ্ৰ মোদীয়ে আজি নতুন দিল্লীত ম্যানমাৰৰ ৰাষ্ট্ৰপতি মিন অং হ্লাইঙৰ সৈতে এক গুৰুত্বপূৰ্ণ বৈঠকত মিলিত হ’ব। এই বৈঠকত ভাৰত আৰু ম্যানমাৰৰ মাজৰ দ্বিপাক্ষিক সম্পৰ্ক অধিক শক্তিশালী কৰাৰ বিভিন্ন দিশত আলোচনা হোৱাৰ সম্ভাৱনা আছে।

দুয়োখন দেশৰ মাজত যুগ যুগ ধৰি চলি অহা ঐতিহাসিক, সাংস্কৃতিক আৰু সভ্যতাগত সম্পৰ্কক অধিক সুদৃঢ় কৰাৰ লক্ষ্যৰে এই বৈঠক অনুষ্ঠিত হ’ব। ভাৰতৰ ‘Neighbourhood First’ আৰু ‘Act East Policy’-ৰ পৰিপ্ৰেক্ষিতত ম্যানমাৰক এক গুৰুত্বপূৰ্ণ কৌশলগত অংশীদাৰ হিচাপে গণ্য কৰা হয়।

বৈঠকত সীমান্ত ব্যৱস্থাপনা, বাণিজ্য, যোগাযোগ ব্যৱস্থা, উন্নয়নমূলক সহযোগিতা আৰু আঞ্চলিক শান্তি-স্থিতিশীলতাৰ দৰে বিষয়সমূহো আলোচনাৰ কেন্দ্ৰবিন্দু হ’ব পাৰে। বিশেষকৈ উত্তৰ-পূৰ্বাঞ্চলৰ সৈতে দক্ষিণ-পূব এছিয়াৰ সংযোগ বৃদ্ধি কৰাৰ ক্ষেত্ৰত ম্যানমাৰৰ ভূমিকা অতি গুৰুত্বপূৰ্ণ বুলি বিবেচিত হয়।

কূটনৈতিক মহলৰ মতে, এই উচ্চস্তৰীয় বৈঠকে ভাৰত-ম্যানমাৰ সম্পৰ্কক নতুন গতি প্ৰদান কৰাৰ লগতে দুয়োখন দেশৰ মাজত পাৰস্পৰিক সহযোগিতা অধিক মজবুত কৰাৰ ক্ষেত্ৰত ইতিবাচক ভূমিকা পালন কৰিব।