ছিকিমত প্ৰধানমন্ত্ৰীৰ বৃহৎ উন্নয়নমূলক পদক্ষেপ
- ছিলননত ইক’-পিলগ্ৰিমেজ কমপ্লেক্সৰ আধাৰশিলা স্থাপন
- ছিকিম IFFCO প্ৰচেছিং প্ৰকল্প উদ্বোধন
- কৃষকৰ জীৱিকা আৰু মূল্য শৃংখল শক্তিশালী কৰাৰ লক্ষ্য
- পাকয়ং জিলাত ইনড’ৰ ক্ৰিকেট সুবিধা উদ্বোধন
- ৰাজ্যৰ ‘সোণালী জয়ন্তী বৰ্ষ’ত গুৰুত্বপূৰ্ণ মাইলৰ খুঁটি
ইক’-পিলগ্ৰিমেজ কমপ্লেক্সৰ আধাৰশিলা স্থাপন; কৃষি আৰু ক্ৰীড়া খণ্ডত নতুন উদ্যোগ
সমগ্ৰ সমাচাৰ সেৱা
গাংটক,২৭ এপ্ৰিল: ছিকিম ভ্ৰমণকালত প্ৰধানমন্ত্ৰীগৰাকীয়ে ৰাজ্যখনত কেইবাটাও গুৰুত্বপূৰ্ণ উন্নয়নমূলক প্ৰকল্পৰ শুভাৰম্ভ আৰু আধাৰশিলা স্থাপন কৰিব। এই কাৰ্যসূচীৰ অংশ হিচাপে ছিলননত এক ইক’-পিলগ্ৰিমেজ কমপ্লেক্সৰ আধাৰশিলা স্থাপন কৰা হ’ব, যিয়ে পৰ্যটন খণ্ডক নতুন দিশ দিব বুলি আশা কৰা হৈছে।
ইয়াৰ উপৰিও, প্ৰধানমন্ত্ৰীগৰাকীয়ে ছিকিম IFFCO প্ৰচেছিং প্ৰকল্প উদ্বোধন কৰিব। এই প্ৰকল্পে ৰাজ্যখনৰ কৃষি প্ৰক্ৰিয়াকৰণ ব্যৱস্থাক উন্নত কৰাৰ লগতে কৃষকৰ আয় বৃদ্ধি আৰু মূল্য শৃংখল অধিক শক্তিশালী কৰাৰ ক্ষেত্ৰত সহায় কৰিব বুলি ধাৰণা কৰা হৈছে।
যুৱ সমাজৰ বিকাশ আৰু ক্ৰীড়া সংস্কৃতি উন্নত কৰাৰ উদ্দেশ্যে পাকয়ং জিলাৰ ৰংপোৰ মাইনিঙত ইনড’ৰ ক্ৰিকেট সুবিধাসমূহো উদ্বোধন কৰা হ’ব। এই পদক্ষেপে যুৱক-যুৱতীসকলৰ মাজত ক্ৰীড়াৰ প্ৰতি আগ্ৰহ বৃদ্ধি কৰিব বুলি আশা প্ৰকাশ কৰা হৈছে।
প্ৰধানমন্ত্ৰীগৰাকীৰ এই ভ্ৰমণ ছিকিমৰ ৰাজ্য স্থাপনৰ ‘সোণালী জয়ন্তী বৰ্ষ’ উপলক্ষে বিশেষ গুৰুত্ব বহন কৰে। এই পদক্ষেপসমূহে ৰাজ্যখনৰ লগতে সমগ্ৰ উত্তৰ-পূব অঞ্চলৰ দ্ৰুত আৰু বহনক্ষম উন্নয়নৰ প্ৰতি চৰকাৰৰ অটল প্ৰতিশ্ৰুতি পুনৰ স্পষ্ট কৰিছে।
About The Author
