অৱসৰপ্ৰাপ্ত চৰকাৰী কৰ্মচাৰীৰ পেঞ্চন মুকলিত কঠোৰ ব্যৱস্থা অসম চৰকাৰৰ
- অৱসৰপ্ৰাপ্ত চৰকাৰী কৰ্মচাৰীৰ পেঞ্চন
- সময়মতে মুকলিৰ বাবে নতুন কঠোৰ ব্যৱস্থা অসম চৰকাৰৰ
- পেঞ্চন প্ৰক্ৰিয়া বিলম্ব কৰিলে দায়ী বিষয়াৰ ওপৰত আৰ্থিক জৰিমনা আৰোপ কৰা হ’ব
- জবাবদিহিতা নিশ্চিত কৰিবলৈ নতুন একাউণ্টেবিলিটি মেকানিজম প্ৰৱৰ্তন
- অৱসৰপ্ৰাপ্ত কৰ্মচাৰীয়ে সময়মতে পেঞ্চন লাভ কৰাটো চৰকাৰৰ মূল লক্ষ্য
পেঞ্চন মুকলিত বিলম্ব ৰোধত চৰকাৰৰ কঠোৰ পদক্ষেপ
সমগ্ৰ সমাচাৰ সেৱা
অসম, ২০ মে’: অৱসৰপ্ৰাপ্ত চৰকাৰী কৰ্মচাৰীয়ে সময়মতে পেঞ্চন লাভ নিশ্চিত কৰিবলৈ অসম চৰকাৰে নতুন কঠোৰ জবাবদিহিতামূলক ব্যৱস্থা প্ৰৱৰ্তন কৰিছে। এই নতুন ব্যৱস্থাৰ অধীনত পেঞ্চন প্ৰক্ৰিয়াত অযথা বিলম্ব ঘটিলে দায়ী বিষয়াসকলৰ বিৰুদ্ধে আৰ্থিক জৰিমনা আৰোপ কৰাৰ ব্যৱস্থা থাকিব।
চৰকাৰৰ এই সিদ্ধান্তৰ মূল উদ্দেশ্য হৈছে পেঞ্চন প্ৰক্ৰিয়াক অধিক দ্রুত, স্বচ্ছ আৰু দায়বদ্ধ কৰি তোলা। যদি কোনো বিষয়াৰ গাফিলতি বা বিলম্বৰ বাবে অৱসৰপ্ৰাপ্ত কৰ্মচাৰীয়ে সময়মতে পেঞ্চন লাভ নকৰে, তেন্তে সংশ্লিষ্ট বিষয়াক মৌদ্ৰিক শাস্তিৰ সন্মুখীন হ’ব লাগিব।
অসম চৰকাৰে কয় যে এই ব্যৱস্থাই অৱসৰপ্ৰাপ্ত চৰকাৰী কৰ্মচাৰীৰ আৰ্থিক সুৰক্ষা নিশ্চিত কৰাৰ লগতে চৰকাৰী বিভাগসমূহত দক্ষতা আৰু জবাবদিহিতা বৃদ্ধি কৰিব। নতুন নিয়মে পেঞ্চন মুকলিৰ প্ৰক্ৰিয়াত বিলম্বৰ সমস্যা কমাব বুলি আশা প্ৰকাশ কৰা হৈছে।
About The Author
