মৰিয়নীৰ পৰা ষষ্ঠবাৰ জয়ী ৰূপজ্যোতি কুৰ্মীৰ অনন্য উদযাপন
- মৰিয়নী সমষ্টিৰ পৰা ষষ্ঠবাৰকৈ জয় লাভ
- ২০০৬ৰ পৰা একেৰাহে অপৰাজিত বিধায়ক
- ২০২৬ত ৰাইজৰ দলৰ জ্ঞানশ্ৰী বৰাক ২৬,৮৪০ ভোটত পৰাস্ত
- ফলাফল ঘোষণাৰ পাছত যুৱকৰ সৈতে নাচ-গান
- জয় জনতাৰ উদ্দেশ্যে উৎসৰ্গা কৰাৰ ঘোষণা
নাচ-গানেৰে জনতাৰ মাণ্ডেট উদযাপন কৰিলে বিজেপি বিধায়ক
সমগ্ৰ সমাচাৰ সেৱা
অসম, ৫ মে’: অসম বিধানসভা নিৰ্বাচন ২০২৬ৰ ফলাফল ঘোষণাৰ পিছত মৰিয়নী সমষ্টিত এক ব্যতিক্ৰমী দৃশ্য দেখা গ’ল। বিজেপিৰ বিধায়ক ৰূপজ্যোতি কুৰ্মীয়ে নিজৰ ষষ্ঠবাৰ বিজয় উদযাপন কৰিলে নাচ-গানেৰে, য’ত তেওঁ যুৱক-যুৱতীৰ সৈতে মিলি আনন্দ প্ৰকাশ কৰে।
৪ মে’ত ফলাফল ঘোষণা হোৱাৰ পিছতেই কুৰ্মীয়ে কিছু গীতৰ তালে তালে নাচি নিজৰ আনন্দ প্ৰকাশ কৰে। তেওঁ কয় যে এই জয় জনতাৰ আশীৰ্বাদৰ ফল, আৰু সেইকাৰণে এই নৃত্য তেওঁ জনাৰ উদ্দেশ্যে উৎসৰ্গা কৰিছে।
উল্লেখযোগ্য যে, ৰূপজ্যোতি কুৰ্মী ২০০৬ চনৰ পৰা মৰিয়নী সমষ্টিৰ পৰা একেৰাহে জয়ী হৈ আহিছে আৰু এতিয়াও অপৰাজিত ৰেকৰ্ড বজাই ৰাখিছে। এইবাৰৰ নিৰ্বাচনত তেওঁ ৰাইজৰ দলৰ প্ৰাৰ্থী জ্ঞানশ্ৰী বৰাক ২৬,৮৪০ ভোটৰ ব্যৱধানত পৰাস্ত কৰি পুনৰ এক শক্তিশালী জনসমৰ্থন লাভ কৰে।
তেওঁৰ এই অনন্য উদযাপনে ৰাজনীতিৰ মাজত এক সহজ-সৰল আৰু জনমুখী চেহেৰা প্ৰদৰ্শন কৰাৰ লগতে যুৱ প্ৰজন্মৰ মাজতো বিশেষ সঁহাৰি লাভ কৰিছে।
About The Author
