অসমৰ নিৰ্বাচনত প্ৰথমবাৰৰ বাবে ‘পিংক ভোটগ্ৰহণ কেন্দ্ৰ’ আৰম্ভ

সম্পূৰ্ণকৈ মহিলা কৰ্মচাৰী—প্ৰেছাইডিং অফিচাৰ, প’লিং অফিচাৰ আৰু নিৰাপত্তা কৰ্মী সকলো মহিলা
মহিলা ভোটাৰৰ বাবে সুৰক্ষিত, স্বাচ্ছন্দ্যদায়ক আৰু স্বাগতমূলক ভোটদান পৰিৱেশ সৃষ্টি
মাতৃ আৰু শিশুৰ যত্নৰ সুবিধা, অপেক্ষা স্থান আদি ব্যৱস্থাৰ সংযোজন
মহিলা ভোটাৰৰ অংশগ্ৰহণ বৃদ্ধি কৰাৰ লক্ষ্যৰে বিশেষ ব্যৱস্থাসমগ্ৰ সমাচাৰ সেৱা

সমগ্ৰ সমাচাৰ সেৱা
গুৱাহাটী/অসম,৮ এপ্ৰিল: অসমৰ আগন্তুক নিৰ্বাচনত প্ৰথমবাৰৰ বাবে “পিংক ভোটগ্ৰহণ কেন্দ্ৰ” আৰম্ভ কৰা হৈছে। যদিও এই ব্যৱস্থা ভাৰতৰ আন ৰাজ্য যেনে বিহাৰ, দিল্লী আদি ৰাজ্যত আগতেই আৰম্ভ হৈছে, অসমৰ বাবে এইটো প্ৰথম পদক্ষেপ হিচাপে গণ্য কৰা হৈছে। এই ব্যৱস্থাৰ মূল লক্ষ্য হৈছে মহিলা ভোটাৰৰ অংশগ্ৰহণ বৃদ্ধি কৰা আৰু সুৰক্ষিত ভোটদান পৰিৱেশ সৃষ্টি কৰা। ইয়াৰ ফলত মহিলা ভোটাৰৰ সংখ্যা আৰু বৃদ্ধি হোৱাৰ সম্ভাৱনা কৰা হৈছে।

পিংক ভোটগ্ৰহণ কেন্দ্ৰ কি?

পিংক বুথ হৈছে সম্পূৰ্ণকৈ মহিলা কৰ্মচাৰীৰ দ্বাৰা পৰিচালিত ভোটগ্ৰহণ কেন্দ্ৰ
ইয়াত প্ৰেছাইডিং অফিচাৰ, প’লিং অফিচাৰ আৰু নিৰাপত্তা কৰ্মীকে আদি কৰি সকলো মহিলা থাকে, মহিলা ভোটাৰৰ বাবে সুৰক্ষিত আৰু আৰামদায়ক পৰিৱেশ সৃষ্টি কৰা হয়। যাতে তেওঁলোক কোনো ধৰণৰ অসুবিধাৰ সন্মুখীন নহয়।
মহিলা অংশগ্ৰহণ বৃদ্ধি কৰাৰ লক্ষ্যৰে এই উদ্যোগ গ্ৰহণ কৰা হৈছে।

অসমৰ বাবে প্ৰথমবাৰৰ উদ্যোগ

অসমত প্ৰথমবাৰৰ বাবে এই ব্যৱস্থা আৰম্ভ হোৱাটো মহিলা সৱলীকৰণৰ দিশত আন এক অতি গুৰুত্বপূৰ্ণ পদক্ষেপ হিচাপে বিবেচিত কৰা হৈছে। বিশেষকৈ গ্ৰামাঞ্চল আৰু চহৰাঞ্চলৰ মহিলা ভোটাৰসকলক অধিক উৎসাহিত কৰাৰ ক্ষেত্ৰত এই ব্যৱস্থাই সহায় কৰিব বুলি আশা কৰা হৈছে।

পিংক ভোটগ্ৰহণ কেন্দ্ৰসমূহত মহিলা ভোটাৰৰ সুবিধাৰ বাবে বিশেষ ব্যৱস্থা কৰা হৈছে। যেনে আৰামদায়ক অপেক্ষা স্থান, মাতৃ আৰু শিশুৰ যত্নৰ সুবিধা, সুৰক্ষিত আৰু স্বাগতমূলক পৰিৱেশ, সচেতনতা বৃদ্ধি কৰা পৰিৱেশ।

আন ৰাজ্যত আগতেই সফল প্ৰয়োগ

উল্লেখযোগ্য যে বিহাৰ, দিল্লী, মহাৰাষ্ট্ৰ আদি ৰাজ্যত আগতেই পিংক ভোটগ্ৰহণ কেন্দ্ৰ সফলভাৱে আৰম্ভ কৰা হৈছিল। সেই অভিজ্ঞতাৰ ভিত্তিতেই এতিয়া অসমৰ নিৰ্বাচনী ব্যৱস্থাতো এই উদ্যোগ সংযোজন কৰা হৈছে।
বিশেষজ্ঞসকলৰ মতে, এই ব্যৱস্থাই কেৱল মহিলা ভোটাৰৰ উপস্থিতি বৃদ্ধি নকৰাকৈ সমাজত সমতা আৰু মহিলা সৱলীকৰণৰ শক্তিশালী বাৰ্তা প্ৰেৰণ কৰিব।