গুৱাহাটীত বানপানীৰ বাবে আজি সকলো শিক্ষানুষ্ঠান বন্ধ ঘোষণা

২০ এপ্ৰিল সোমবাৰে গুৱাহাটীত সকলো শিক্ষানুষ্ঠান বন্ধ
কামৰূপ মহানগৰ জিলা প্ৰশাসনৰ চৰকাৰী ঘোষণা
অতি বৃষ্টিৰ ফলত সৃষ্টি হোৱা ফ্লেছ বানৰ পৰিস্থিতি
ছাত্ৰ-ছাত্ৰী আৰু শিক্ষকৰ সুৰক্ষাৰ স্বাৰ্থত সিদ্ধান্ত গ্ৰহণ

অতি বৃষ্টিজনিত ফ্লেছ বানৰ পৰিস্থিতিৰ বাবে কামৰূপ মহানগৰ জিলা প্ৰশাসনৰ গুৰুত্বপূৰ্ণ সিদ্ধান্ত; ছাত্ৰ-ছাত্ৰী আৰু শিক্ষকৰ সুৰক্ষাক প্ৰাধান্য

সমগ্ৰ সামাচাৰ সেৱা
গুৱাহাটী, ২০ এপ্ৰিল: গুৱাহাটীত অবিৰাম ধাৰাসাৰ বৃষ্টিৰ ফলত সৃষ্টি হোৱা ফ্লেছ বান আৰু জলোচ্ছ্বাস সদৃশ পৰিস্থিতিৰ বাবে আজি, ২০ এপ্ৰিল সোমবাৰে, মহানগৰীৰ সকলো শিক্ষানুষ্ঠান বন্ধ ঘোষণা কৰিছে কামৰূপ মহানগৰ জিলা প্ৰশাসনে। চৰকাৰী আৰু বেচৰকাৰী দুয়োটা বিদ্যালয়, কলেজ তথা সকলো শিক্ষা প্ৰতিষ্ঠানৰ ক্ষেত্ৰত এই নিৰ্দেশ প্ৰযোজ্য কৰা হৈছে।

জিলা প্ৰশাসনে জনোৱা মতে, ১৯ এপ্ৰিলৰ পৰা আৰম্ভ হোৱা অতি বৃষ্টিৰ ফলত মহানগৰীৰ বহু অঞ্চলত ভয়াবহ পানী জমা হোৱা পৰিস্থিতি সৃষ্টি হৈছে। ইয়াৰ ফলত পথ-ঘাটত চলাচল ব্যাহত হোৱাৰ লগতে সাধাৰণ জীৱন-যাপনো প্ৰভাৱিত হৈছে।
ছাত্ৰ-ছাত্ৰী, শিক্ষক-শিক্ষয়িত্ৰী আৰু বিদ্যালয় কৰ্মচাৰীসকলৰ সুৰক্ষাৰ কথা বিবেচনা কৰি এই সিদ্ধান্ত লোৱা হৈছে বুলি জিলা প্ৰশাসনে স্পষ্ট কৰিছে। লগতে, পৰিস্থিতিৰ ওপৰত নিৰন্তৰ নজৰ ৰখা হৈছে আৰু প্ৰয়োজন অনুসৰি আগন্তুক দিনসমূহতো প্ৰশাসনে উপযুক্ত ব্যৱস্থা গ্ৰহণ কৰিব বুলি জনোৱা হৈছে।
নাগৰিকসকলকো অতিৰিক্ত সতৰ্কতা অৱলম্বন কৰিবলৈ আহ্বান জনাইছে প্ৰশাসনে আৰু অতি প্ৰয়োজন নোহোৱাকৈ ঘৰৰ পৰা ওলাই নাহিবলৈ অনুৰোধ কৰিছে।