দিল্লী বিজেপিত নতুন নেতৃত্ব

ভাৰতীয় জনতা পাৰ্টীয়ে দিল্লী প্ৰদেশ সংগঠনত গুৰুত্বপূর্ণ পৰিবর্তন আনিলে
কেন্দ্ৰীয় ৰাজ্যিক মন্ত্ৰী হৰ্ষ মালহোত্ৰাক দিল্লী বিজেপিৰ সভাপতি হিচাপে নিযুক্তি
নিযুক্তিৰ ঘোষণা বিজেপিৰ ৰাষ্ট্ৰীয় সভাপতি নিতিন নবীনে কৰে
সিদ্ধান্ত তাৎক্ষণিকভাৱে কার্যকৰী কৰা হৈছে
সংগঠন অধিক শক্তিশালী কৰাত বিশেষ গুৰুত্ব দিব দলটোৱে

হৰ্ষ মালহোত্ৰা দিল্লী বিজেপিৰ নতুন সভাপতি নিযুক্ত

সমগ্ৰ সমাচাৰ সেৱা
নতুন দিল্লী, ২৮ মে’: ভাৰতীয় জনতা পাৰ্টীয়ে দিল্লী প্ৰদেশ সংগঠনত এক গুৰুত্বপূর্ণ পৰিবর্তন আনি কেন্দ্ৰীয় ৰাজ্যিক মন্ত্ৰী হৰ্ষ মালহোত্ৰাক দিল্লী বিজেপিৰ নতুন সভাপতি হিচাপে নিযুক্তি দিছে। এই নিযুক্তিৰ ঘোষণা বিজেপিৰ ৰাষ্ট্ৰীয় সভাপতি নিতিন নবীনে কৰে।
দলীয় সূত্ৰে জনোৱা মতে, এই নিযুক্তি তাৎক্ষণিকভাৱে কার্যকৰী কৰা হৈছে। বিজেপি নেতৃত্বই আশা প্ৰকাশ কৰিছে যে হৰ্ষ মালহোত্ৰাৰ নেতৃত্বত দিল্লী প্ৰদেশ সংগঠন অধিক শক্তিশালী হ’ব আৰু আগন্তুক ৰাজনৈতিক প্ৰত্যাহ্বানসমূহ সফলভাৱে মোকাবিলা কৰিব পাৰিব।
বৰ্তমান হৰ্ষ মালহোত্ৰা ভাৰত চৰকাৰৰ কেন্দ্ৰীয় ৰাজ্যিক মন্ত্ৰী হিচাপে দায়িত্ব পালন কৰি আছে। সংগঠনমূলক অভিজ্ঞতা আৰু দলীয় কাৰ্যকলাপত সক্ৰিয় ভূমিকাৰ বাবে তেওঁক এই গুৰুত্বপূর্ণ দায়িত্ব অর্পণ কৰা হৈছে।
দিল্লীৰ আগন্তুক ৰাজনৈতিক পৰিস্থিতি আৰু নিৰ্বাচনী কৌশলৰ প্ৰতি লক্ষ্য ৰাখি বিজেপিয়ে সংগঠন স্তৰত ধাৰাবাহিকভাৱে পৰিবর্তন আনি আছে বুলি ৰাজনৈতিক মহলে মত প্ৰকাশ কৰিছে।