সম্ৰাট চৌধুৰী বিহাৰৰ মুখ্যমন্ত্ৰী
সমগ্ৰ সমাচাৰ সেৱা
পাটনা, ১৪ এপ্ৰিল: বিহাৰৰ ৰাজনৈতিক ক্ষেত্ৰত এক ঐতিহাসিক পৰিৱর্তন । সম্ৰাট চৌধুৰীয়ে আজি বিহাৰৰ মুখ্যমন্ত্ৰী হিচাপে নিৰ্বাচিত কৰিছে। এই পদত বহি, চৌধুৰী বিহাৰৰ প্ৰথমজন ভাৰতীয় জনতা পাৰ্টি (বিজেপি)ৰ মুখ্যমন্ত্ৰী হিচাপে ইতিহাস গঢ়িলে। তেওঁৰ নেতৃত্বত বিহাৰত ৰাষ্ট্ৰীয় গণতান্ত্ৰিক জোট (NDA)-ৰ নতুন চৰকাৰ গঠিত হৈছে।
এই সিদ্ধান্ত মুখ্যমন্ত্ৰী নীতীশ কুমাৰে ৰাজ্যপাল সৈয়দ আতা হাসনেইনক নিজৰ পদত্যাগ পত্ৰ দাখিল কৰাৰ পিছতে গ্ৰহণ কৰা হয়। নীতীশ কুমাৰে নিজে ৰাজভৱনত গৈ চৰকাৰীভাৱে পদত্যাগ কৰে আৰু মন্ত্রীসভা ভংগ কৰাৰ সুপারিশ কৰে। এই পদক্ষেপৰ পিছত বিজেপি তৎপৰতাৰে নিজৰ বিধায়ক দলৰ নেতা হিচাপে সম্ৰাট চৌধুৰীক একমতিভাৱে নিৰ্বাচিত কৰে।
বিজেপি বিধায়ক দলৰ বৈঠকত কেন্দ্ৰীয় পৰ্যবেক্ষক হিচাপে উপস্থিত থকা কেন্দ্রীয় মন্ত্ৰী শিৱরাজ সিং চৌহানে ঘোষণা কৰে, “সম্ৰাট চৌধুৰীক একমতিভাৱে বিহাৰৰ বিধায়ক দলৰ নেতা হিচাপে নিৰ্বাচিত কৰা হৈছে।” চৌধুৰীয়ে শপতগ্ৰহণৰ পিছত বিজেপি কেন্দ্ৰীয় নেতৃত্বক ধন্যবাদ জনায় আৰু এই পদক বিহাৰৰ জনগণৰ সেৱাৰ এক সুযোগ বুলি বৰ্ণনা কৰে। তেওঁ সামাজিক মাধ্যমত প্ৰকাশ পোৱা এক বাৰ্তাত কয়, “এই পদ মাত্ৰ এক পদ নহয়, ই বিহাৰৰ জনগণৰ আশা-আকাঙ্ক্ষা পূৰণৰ দিশত মোৰ দায়িত্ব। মই সম্পূৰ্ণ নিষ্ঠা, প্ৰতিশ্ৰুতি আৰু সততাৰে সকলো নাগৰিকৰ আশা পূৰণৰ চেষ্টা কৰিম।”
সম্ৰাট চৌধুৰীয়ে ২০১৭ চনত বিজেপিত যোগদান কৰিছিল। ইয়াৰ পূৰ্বে তেওঁ প্ৰায় ১২ বছৰ ৰাষ্ট্রীয় জনতা দল (RJD) আৰু জনতা দল (United)-ত আছিল। বিহাৰ বিধানসভাৰ ২৪৩ টা আসনৰ ভিতৰত বিজেপিৰ ৮৯ জন বিধায়ক আছে, যাৰ ফলত বিজেপি বৃহত্তম দল হিচাপে থাকিলেও এতিয়ালৈকে মুখ্যমন্ত্ৰী নিৰ্বাচন কৰা হোৱা নাছিল।
উল্লেখযোগ্য যে, এনডিএত ২০২ জন বিধায়কৰ সমৰ্থন আছে, যাৰ ফলত চৰকাৰৰ সংখ্যাগৰিষ্ঠতা নিশ্চিত। মুখ্যমন্ত্ৰী হিচাপে সম্ৰাট চৌধুৰীৰ উত্তৰণ বিহাৰৰ ৰাজনৈতিক ক্ষেত্ৰত এক নতুন যুগৰ আৰম্ভণি। তেওঁ প্ৰতিশ্ৰুতি দিছে যে, প্ৰধানমন্ত্ৰী নৰেন্দ্ৰ মোদীৰ নেতৃত্ব আৰু বিজেপি ৰাষ্ট্ৰীয় সভাপতির দিশনির্দেশত বিহাৰৰ উন্নয়ন, উত্তম শাসন আৰু সমৃদ্ধিৰ দিশত সদায় চেষ্টা চলাই যাব।
বিহাৰৰ জনগণে সম্ৰাট চৌধুৰীৰ নেতৃত্বত নতুন আশাৰ সঁহাৰি পাইছে। সমগ্ৰ ৰাজ্যত এই পৰিৱর্তনক স্বাগতম জনাই এক উন্নত, স্থিতিশীল আৰু শান্তিপূৰ্ণ বিহাৰৰ আশা ব্যক্ত কৰা হৈছে।
About The Author
