কামৰূপ মহানগৰ আৰু দৰঙত তীব্ৰ বজ্ৰধুমুহাৰ সতৰ্কবাণী, আগন্তুক ৩ ঘণ্টা অতিসতৰ্কতা জাৰি

কামৰূপ মহানগৰ আৰু দৰঙত আগন্তুক ৩ ঘণ্টাত তীব্ৰ বজ্ৰধুমুহা আৰু মুষলধাৰ বৰষুণৰ সম্ভাৱনা
বজ্ৰপাতসহ ঘণ্টাত ১–২ চে.মি. পৰ্যন্ত বৰষুণ হোৱাৰ আশংকা প্ৰকাশ ASDMA-ৰ
জনসাধাৰণক ঘৰৰ ভিতৰত থাকি সাৱধানতা অৱলম্বনৰ আহ্বান

বজ্ৰপাত আৰু মুষলধাৰ বৰষুণৰ সম্ভাৱনা; জনসাধাৰণক ঘৰৰ ভিতৰত থাকিবলৈ ASDMA-ৰ আহ্বান

সমগ্ৰ সমাচাৰ সেৱা
অসম, ২৫ মে’: অসম ৰাজ্যিক দুৰ্যোগ ব্যৱস্থাপনা প্ৰাধিকৰণ (ASDMA)-এ কামৰূপ মহানগৰ আৰু দৰং জিলাৰ বাবে এক গুৰুত্বপূৰ্ণ বতৰ সতৰ্কবাণী জাৰি কৰিছে। আগন্তুক ৩ ঘণ্টাৰ ভিতৰত এই অঞ্চলসমূহত তীব্ৰ বজ্ৰধুমুহা, বজ্ৰপাত আৰু মুষলধাৰ বৰষুণ হোৱাৰ সম্ভাৱনা আছে বুলি জানিব পৰা গৈছে।

সতৰ্কবাণী অনুসৰি, বজ্ৰপাতসহ তীব্ৰ বৰষুণ বা থাণ্ডাৰশ্বাৱাৰ ঘণ্টাত ১–২ চে.মি. পৰ্যন্ত হ’ব পাৰে। ইয়াৰ ফলত কিছুমান ঠাইত পানী জমা, পথ চলাচলত বিঘিনি আৰু বজ্ৰপাতজনিত বিপদৰ সৃষ্টি হোৱাৰ আশংকা প্ৰকাশ কৰা হৈছে।

অসম ৰাজ্যিক দুৰ্যোগ ব্যৱস্থাপনা প্ৰাধিকৰণে জনসাধাৰণক এই সময়ছোৱাত অতি সাৱধানতা অৱলম্বন কৰি ঘৰৰ ভিতৰত থাকিবলৈ, অপ্রয়োজনীয়ভাৱে বাহিৰলৈ নোযাবলৈ আৰু সকলো ধৰণৰ সুৰক্ষা ব্যৱস্থা গ্ৰহণ কৰিবলৈ আহ্বান জনাইছে।
প্ৰশাসনে পৰিস্থিতিৰ ওপৰত কটকটীয়া নজৰ ৰাখিছে।