মুকলি বিহুত উৎসৱৰ উচ্ছ্বাস: আছুৰ আয়োজনত সংগীতৰ সুৰেৰে শুভাৰম্ভ
- আছুৰ উদ্যোগত আজিৰ মুকলি বিহু উদযাপন
- সন্দিকৈ ছোৱালী মহাবিদ্যালয় ছাত্ৰীৰ উদ্বোধনী সংগীত
- বিহুনাচ, ঢোল-পেঁপাৰ সুৰেৰে মুখৰিত পৰিৱেশ ,বহু লোকৰ উৎসাহী অংশগ্ৰহণ
সমগ্ৰ সমাচাৰ সেৱা
গুৱাহাটী, ১৪ এপ্ৰিল: গুৱাহাটীস্থিত সদৌ অসম ছাত্ৰ সন্থাৰ উদ্যোগত আজি আয়োজন কৰা মুকলি বিহু অনুষ্ঠান উৎসাহ-উদ্দীপনাৰে অনুষ্ঠিত হয়। ৰঙালী বিহুৰ এই বিশেষ উপলক্ষে আয়োজিত মুকলি বিহুত স্থানীয় লোকসকলৰ লগতে বহু যুৱ-যুৱতীয়ে উৎসাহেৰে অংশগ্ৰহণ কৰে।
অনুষ্ঠানৰ শুভাৰম্ভ কৰে সন্দিকৈ ছোৱালী মহাবিদ্যালয় ছাত্ৰীয়ে পৰিৱেশন কৰা মধুৰ উদ্বোধনী সংগীতে। তেওঁলোকৰ সুৰীয়া সংগীতে অনুষ্ঠানস্থলীৰ
পৰিৱেশক এক আনন্দময় ৰূপ প্ৰদান কৰে আৰু উপস্থিত ৰাইজে উষ্ম আদৰণি জনায়। 🎶
ইয়াৰ পিছত অনুষ্ঠিত হয় পৰম্পৰাগত বিহুনাচ, ঢোল-পেঁপা আৰু গগণাৰ সুৰেৰে এক মনোমোহা সাংস্কৃতিক কাৰ্যসূচী। বিভিন্ন বয়সৰ অংশগ্ৰহণকাৰীয়ে অসমীয়া সংস্কৃতিৰ ঐতিহ্য উজলাই তোলে।
আয়োজকসকলে কয় যে এই মুকলি বিহুৰ জৰিয়তে অসমীয়া জাতীয় সংস্কৃতি সংৰক্ষণ আৰু নতুন প্ৰজন্মৰ মাজত ইয়াৰ প্ৰতি আগ্ৰহ বৃদ্ধি কৰাই হৈছে অনুষ্ঠানৰ মূল উদ্দেশ্য। অনুষ্ঠানটিয়ে সম্প্ৰীতি আৰু ঐক্যৰ বাৰ্তা কঢ়িয়াই আনে।
About The Author
