দলগাঁও আৰক্ষীৰ ড্ৰাগছ বিৰোধী অভিযান
- বেছিমাৰীৰ পৰা বৃহৎ পৰিমাণৰ ড্ৰাগছ জব্দ
- ২৬২ টা কন্টেইনাৰত ভৰ্তি আছিল নিষিদ্ধ পদাৰ্থ
- আনোৱাৰ হুছেইন আৰু তেওঁৰ পত্নী আৰক্ষীৰ জালত
- দলগাঁও আৰক্ষীৰ বিশেষ অভিযানত সফলতা
চাবোনৰ বাকচত লুকুৱাই ৰাখিছিল ড্ৰাগছ; আৰক্ষীৰ সাফল্যত অঞ্চলজুৰি চাঞ্চল্য
সমগ্ৰ সমাচাৰ সেৱা
দৰং, ২৫ এপ্ৰিল: দৰং জিলাৰ দলগাঁও আৰক্ষীয়ে ড্ৰাগছ বিৰোধী অভিযানত এক উল্লেখযোগ্য সফলতা অৰ্জন কৰিছে। গোপন সূত্ৰৰ ভিত্তিত চলোৱা এই অভিযানত বেছিমাৰী অঞ্চলৰ পৰা বৃহৎ পৰিমাণৰ ড্ৰাগছ জব্দ কৰিবলৈ সক্ষম হয় আৰক্ষী।
আৰক্ষীৰ তথ্য অনুসৰি, ড্ৰাগছখিনি চাবোনৰ বাকচৰ ভিতৰত চতুৰভাৱে লুকুৱাই ৰখা হৈছিল। মুঠ ২৬২ টা কন্টেইনাৰত ভৰ্তি এই নিষিদ্ধ পদাৰ্থখিনি উদ্ধাৰ কৰা হয়, যাৰ মূল্য লাখ লাখ টকাৰো অধিক হ’ব বুলি অনুমান কৰা হৈছে।
এই ঘটনাৰ সৈতে জড়িত অভিযোগত আৰক্ষীয়ে আনোৱাৰ হুছেইন নামৰ এজন লোক আৰু তেওঁৰ পত্নীক আটক কৰিছে। ইতিমধ্যে দুয়োজনক সোধা-পোছা অব্যাহত ৰাখিছে আৰু এই চক্রৰ সৈতে জড়িত আন লোকৰ সন্ধান চলাই আছে।
স্থানীয় ৰাইজৰ মাজত এই ঘটনাই তীব্ৰ চাঞ্চল্য সৃষ্টি কৰিছে। আৰক্ষীয়ে জনসাধাৰণক সহযোগিতা কৰিবলৈ আহ্বান জনোৱাৰ লগতে আগন্তুক দিনতো এনে অভিযান অধিক জোৰদাৰ কৰাৰ কথা উল্লেখ কৰিছে।
About The Author
