নতুন দিল্লীত অসম ভৱনৰ নিৰ্মাণকাৰ্য পৰিদৰ্শন মুখ্যমন্ত্ৰী হিমন্ত বিশ্ব শৰ্মাৰ
- নতুন দিল্লীত নিৰ্মাণাধীন অসম ভৱনৰ অগ্ৰগতি পৰিদৰ্শন মুখ্যমন্ত্ৰীৰ
- কামৰ গুণগত মান বজাই ৰাখি সময়মতে সম্পূৰ্ণ কৰাৰ নিৰ্দেশ
- ৰাষ্ট্ৰীয় ৰাজধানীত অসমৰ লোকসকলৰ বাবে গুৰুত্বপূৰ্ণ সুবিধা হিচাপে গঢ়ি উঠিব নতুন অসম ভৱন
- নিৰ্মাণকাৰ্যৰ অগ্ৰগতি পৰ্যালোচনা
সমগ্ৰ সমাচাৰ সেৱা
দিল্লী, ২৪ মে’: অসমৰ মুখ্যমন্ত্ৰী হিমন্ত বিশ্ব শৰ্মাই দেওবাৰে নতুন দিল্লীত নিৰ্মাণাধীন অসম ভৱনৰ কাম-কাজৰ অগ্ৰগতি স্বচক্ষে পৰিদৰ্শন কৰে। এই পৰিদৰ্শনৰ সময়ত মুখ্যমন্ত্ৰীয়ে প্ৰকল্পটোৰ বিভিন্ন দিশ পৰ্যালোচনা কৰি নিৰ্মাণকাৰ্যৰ গতি আৰু মানদণ্ডৰ ওপৰত বিশেষ গুৰুত্ব আৰোপ কৰে।
মুখ্যমন্ত্ৰীয়ে সংশ্লিষ্ট বিষয়াসকলক গুণগত মান অক্ষুণ্ণ ৰাখি নিৰ্ধাৰিত সময়ৰ ভিতৰত নিৰ্মাণকাৰ্য সম্পূৰ্ণ কৰিবলৈ নিৰ্দেশ দিয়ে। তেওঁ কয় যে, এই ধৰণৰ গুৰুত্বপূৰ্ণ প্ৰকল্পত সময়সীমা আৰু মানদণ্ড দুয়োটাই সমানভাৱে বজাই ৰখাটো অত্যন্ত প্ৰয়োজনীয়।
নতুন অসম ভৱন সম্পূৰ্ণ হোৱাৰ পিছত ই ৰাষ্ট্ৰীয় ৰাজধানী নতুন দিল্লীলৈ যোৱা অসমৰ লোকসকলৰ বাবে এক গুৰুত্বপূৰ্ণ সুবিধা আৰু সহায়ক কেন্দ্ৰ হিচাপে গঢ়ি উঠিব বুলি আশা কৰা হৈছে। এই ভৱনে অসমৰ নাগৰিকসকলক উন্নত সুবিধা প্ৰদান কৰাৰ লগতে ৰাজ্যৰ প্ৰতিনিধিত্বো অধিক শক্তিশালী কৰিব।
About The Author
