কংগ্ৰেছৰ ফলাফলক লৈ অখিল গগৈৰ কটাক্ষ— “আগতেই সতৰ্ক কৰিছিলোঁ”
- কংগ্ৰেছক আগতেই সতৰ্ক কৰিছিল বুলি দাবী অখিল গগৈৰ
- মাত্ৰ ১৯টা আসনত জয় লাভ কংগ্ৰেছৰ
- ১৯ জনৰ ভিতৰত ১৮ জন সংখ্যালঘু প্ৰাৰ্থী জয়ী
- নাওবৈছা সমষ্টিত ডাঃ জয় প্ৰকাশ দাস একমাত্ৰ হিন্দু প্ৰাৰ্থী জয়ী
- শিৱসাগৰত অখিল গগৈৰ বৃহৎ জয়
নিৰ্বাচনৰ ফলাফলৰ পিছত কংগ্ৰেছৰ আগন্তুক ৰাজনৈতিক সংকটৰ আশংকা প্ৰকাশ
সমগ্ৰ সমাচাৰ সেৱা
অসম, ৬ মে’: অসম বিধানসভা নিৰ্বাচনৰ ফলাফলক লৈ অখিল গগৈয়ে কংগ্ৰেছৰ ওপৰত তীব্ৰ সমালোচনা কৰে। ৰাইজৰ দলৰ সভাপতি গগৈয়ে কয় যে, নিৰ্বাচনৰ আগতেই তেওঁ কংগ্ৰেছক আসন বণ্টনক লৈ সতৰ্ক কৰিছিল, কিন্তু দলটোৱে সেই সতৰ্কবাণী গুৰুত্ব নিদিলে।
তেওঁ উল্লেখ কৰে যে, মিত্ৰতা আলোচনাৰ সময়ত তেওঁৰ দলক উপযুক্ত আসন নিদিয়াৰ বাবে মতবিৰোধ হৈছিল। সেই সময়তেই তেওঁ “wait and watch” বুলি কৈছিল আৰু এই ফলাফল কংগ্ৰেছৰ বাবে আগন্তুক দিনত ডাঙৰ ৰাজনৈতিক সমস্যাৰ সৃষ্টি কৰিব বুলি দাবী কৰে।
ফলাফল বিশ্লেষণ কৰি গগৈয়ে কয় যে, কংগ্ৰেছে মাত্ৰ ১৯টা আসনত জয়লাভ কৰিছে, য’ত ১৮ জন সংখ্যালঘু প্ৰাৰ্থী জয়ী হৈছে আৰু মাত্ৰ এজন হিন্দু প্ৰাৰ্থী—নাওবৈছা সমষ্টিৰ ডাঃ জয় প্ৰকাশ দাস জয়ী হৈছে। এই পৰিসংখ্যাই দলটোৰ ভৱিষ্যৎ ৰাজনৈতিক স্থিতিত প্ৰশ্ন উত্থাপন কৰিছে।
ইফালে, অখিল গগৈ নিজে শিৱসাগৰ সমষ্টিৰ পৰা ৮৬,৫২১টা ভোট লাভ কৰি ১৭,২৭২ ভোটৰ ব্যৱধানত জয়ী হয়, য’ত তেওঁ BJPৰ কুশল দুৱৰী আৰু AGPৰ প্ৰদীপ হাজৰিকাক পৰাজিত কৰে। এই মন্তব্যই ৰাজ্যৰ ৰাজনীতিত নতুন বিতৰ্কৰ সূচনা কৰিছে।
About The Author
