অসম কেবিনেটৰ অনুমোদন: ৰাজ্যিক তথ্য নীতি ২০২৬ কার্যকৰী কৰাৰ পথ মুকলি

অসম কেবিনেটে অসম ৰাজ্যিক তথ্য নীতি (ASDP) ২০২৬ অনুমোদন জনায়
শাসন ব্যৱস্থা অধিক শক্তিশালী কৰাৰ লক্ষ্য নিৰ্ধাৰণ
জনসেৱা প্ৰদান ব্যৱস্থা উন্নত কৰাৰ ওপৰত বিশেষ গুৰুত্ব
২১ মে’ৰ পৰা আৰম্ভ হোৱা বিধানসভাৰ ১৬তম অধিৱেশনৰ পূৰ্বে সিদ্ধান্ত গ্ৰহণ

তথ্যভিত্তিক শাসনৰ দিশে নতুন পদক্ষেপ

সমগ্ৰ সমাচাৰ সেৱা
অসম, ২১ মে’: অসম বিধানসভাৰ ১৬তম অধিৱেশন ২১ মে’ৰ পৰা আৰম্ভ হোৱাৰ পূৰ্বে ৰাজ্য কেবিনেটে গুৰুত্বপূৰ্ণ সিদ্ধান্ত গ্ৰহণ কৰি অসম ৰাজ্যিক তথ্য নীতি (Assam State Data Policy–ASDP), ২০২৬ অনুমোদন জনায়। এই নীতিৰ জৰিয়তে ৰাজ্যত তথ্যভিত্তিক শাসন ব্যৱস্থা অধিক শক্তিশালী কৰাৰ লক্ষ্য গ্ৰহণ কৰা হৈছে।
নতুন তথ্য নীতিৰ মূল উদ্দেশ্য হৈছে চৰকাৰী বিভাগসমূহৰ মাজত তথ্য ব্যৱস্থাপনা উন্নত কৰা, সিদ্ধান্ত গ্ৰহণ প্ৰক্ৰিয়া অধিক কাৰ্যকৰী কৰা আৰু নাগৰিকসকললৈ জনসেৱা অধিক স্বচ্ছ আৰু দ্ৰুতগতিত আগবঢ়োৱা।

মুখ্যমন্ত্ৰীৰ কাৰ্যালয়ে প্ৰকাশ কৰা অনুসৰি, এই নীতিৰ ফলত শাসন ব্যৱস্থাত আধুনিক তথ্য প্ৰযুক্তিৰ ব্যৱহাৰ বৃদ্ধি পাব আৰু উন্নয়নমূলক কাম-কাজ অধিক সুসংগঠিতভাৱে ৰূপায়ণ কৰাত সহায় হ’ব। অসম কেবিনেটৰ এই সিদ্ধান্তক ৰাজ্যত ডিজিটেল শাসন ব্যৱস্থাৰ ক্ষেত্ৰত এক উল্লেখযোগ্য পদক্ষেপ হিচাপে গণ্য কৰা হৈছে।