CUET PG ২০২৬ৰ ফলাফল ২৪ এপ্ৰিলত ঘোষণা
- CUET PG ২০২৬ৰ ফলাফল ২৪ এপ্ৰিলত ঘোষণা কৰিব NTA
- ফলাফল ঘোষণা সময় সম্ভাৱ্য সন্ধিয়া ৫ বজাৰ ওচৰত
- NTA-এ X প্লেটফৰ্মত আনুষ্ঠানিকভাৱে ঘোষণা কৰিছে
- শিক্ষাৰ্থীসকলে অফিচিয়েল ৱেবছাইটত ফলাফল পৰীক্ষা কৰিব পাৰিব
সন্ধিয়া প্ৰায় ৫ বজাত ফলাফল ঘোষণা হোৱাৰ সম্ভাৱনা
সমগ্ৰ সমাচাৰ সেৱা
অসম, ২৩ এপ্ৰিল: ৰাষ্ট্ৰীয় পৰীক্ষা সংস্থা (NTA)-এ বুধবাৰে ঘোষণা কৰিছে যে CUET PG ২০২৬ৰ ফলাফল অহা ২৪ এপ্ৰিলত প্ৰকাশ কৰা হ’ব। এই সন্দৰ্ভত সংস্থাটোৱে সামাজিক মাধ্যম প্লেটফৰ্ম Xত এটা প’ষ্টৰ জৰিয়তে পৰীক্ষাৰ্থীসকলক আনুষ্ঠানিক তথ্য প্ৰদান কৰে।
সংস্থাটোৰ তথ্য অনুসৰি, ফলাফলটো সন্ধিয়া প্ৰায় ৫ বজাৰ ওচৰত ঘোষণা কৰা হোৱাৰ সম্ভাৱনা আছে। X প্লেটফৰ্মত এজন ব্যৱহাৰকাৰীৰ প্ৰশ্নৰ উত্তৰত NTA-এ এই সম্ভাৱ্য সময়ৰ উল্লেখ কৰিছে।
এই ঘোষণা প্ৰকাশ পোৱাৰ পাছতেই দেশজুৰি হাজাৰ হাজাৰ পৰীক্ষাৰ্থীৰ মাজত উৎকণ্ঠা আৰু আগ্ৰহ বৃদ্ধি পাইছে। CUET PG পৰীক্ষাৰ ফলাফল বিশ্ববিদ্যালয়সমূহত স্নাতকোত্তৰ পাঠ্যক্ৰমত ভৰ্তিৰ বাবে অত্যন্ত গুৰুত্বপূৰ্ণ বুলি বিবেচিত।
পৰীক্ষাৰ্থীসকলক ফলাফল ঘোষণা হোৱাৰ পাছত NTA-ৰ অফিচিয়েল ৱেবছাইটত গৈ নিজৰ এপ্লিকেচন নম্বৰ আৰু জন্ম তাৰিখ ব্যৱহাৰ কৰি ফলাফল চাবলৈ পৰামৰ্শ দিয়া হৈছে।
About The Author
