অসমৰ মহাধিবক্তা পদৰ পৰা পদত্যাগ দেৱজিত শইকীয়াৰ
- অসমৰ মহাধিবক্তা পদৰ পৰা পদত্যাগ দেৱজিত শইকীয়াৰ
- বুধবাৰে আনুষ্ঠানিকভাৱে পদত্যাগপত্ৰ দাখিল
- মুখ্যমন্ত্ৰী হিমন্ত বিশ্ব শৰ্মাৰ চৰকাৰৰ বৰ্তমান
- কাৰ্যকাল সম্পূৰ্ণ হোৱাৰ পিছতে সিদ্ধান্ত
- প্ৰায় পাঁচ বছৰ ধৰি ৰাজ্যৰ শীৰ্ষ আইন বিষয়ক পদত দায়িত্ব পালন
- মুখ্যমন্ত্ৰী, মন্ত্ৰীসভা আৰু আইনজীৱী সমাজলৈ কৃতজ্ঞতা জ্ঞাপন
প্ৰায় পাঁচ বছৰৰ কাৰ্যকালৰ অন্তত সাংবিধানিক পৰম্পৰা মানি সিদ্ধান্ত; মুখ্যমন্ত্ৰী আৰু আইনজীৱী সমাজলৈ কৃতজ্ঞতা প্ৰকাশ
সমগ্ৰ সমাচাৰ সেৱা
অসম, ৭ মে’ : অসমৰ মহাধিবক্তা দেৱজিত শইকীয়াই নিজৰ পদৰ পৰা পদত্যাগ কৰিছে। বুধবাৰে তেওঁ আনুষ্ঠানিকভাৱে পদত্যাগপত্ৰ দাখিল কৰি ৰাজ্যৰ শীৰ্ষ আইন বিষয়ক পদত থকা তেওঁৰ প্ৰায় পাঁচ বছৰৰ কাৰ্যকালৰ অন্ত পেলায়।
জানিব পৰা মতে, মুখ্যমন্ত্ৰী ড° হিমন্ত বিশ্ব শৰ্মাৰ নেতৃত্বাধীন বৰ্তমান চৰকাৰৰ কাৰ্যকাল সম্পূৰ্ণ হোৱাৰ পিছত সাংবিধানিক পৰম্পৰা অনুসৰি এই সিদ্ধান্ত গ্ৰহণ কৰা হৈছে।
পদত্যাগৰ পিছত দেৱজিত শইকীয়াই কয় যে অসমৰ মহাধিবক্তা হিচাপে দায়িত্ব পালন কৰাটো তেওঁৰ বাবে এক গৌৰৱৰ বিষয় আছিল। তেওঁ নিজৰ কাৰ্যকালত সহযোগিতা আগবঢ়োৱা মুখ্যমন্ত্ৰী, মন্ত্ৰীসভাৰ সদস্য, আইনজীৱী সমাজ, চৰকাৰী বিষয়া-কর্মচাৰী আৰু আন সকলোকে আন্তৰিক ধন্যবাদ জ্ঞাপন কৰে।
আইনী ক্ষেত্ৰত দেৱজিত শইকীয়াৰ অভিজ্ঞতা আৰু দায়িত্বশীল ভূমিকা বহু সময়ত চৰকাৰৰ গুৰুত্বপূর্ণ আইনী বিষয়সমূহত সহায়ক হৈছিল বুলি বিভিন্ন মহলে মত প্ৰকাশ কৰিছে। তেওঁৰ পদত্যাগক লৈ ৰাজ্যৰ ৰাজনৈতিক আৰু আইনী মহলত ব্যাপক চৰ্চা আৰম্ভ হৈছে।
About The Author
