১২ মে’ত গুৱাহাটীত বিশেষ যান-বাহন নিয়ন্ত্ৰণ
Oplus_131072
- ১২ মে’ত গুৱাহাটীত বিশেষ যান-বাহন নিয়ন্ত্ৰণ ব্যৱস্থা কার্যকৰী হ’ব
- পুৱা ৯ বজাৰ পৰা বিয়লি ২ বজালৈ ৰাষ্ট্ৰীয় ঘাইপথত কিছু যান চলাচল সীমিত
- কইনাধাৰৰ পৰা বিমানবন্দৰ অভিমুখে ট্ৰাক আৰু ডাম্পাৰৰ চলাচল নিষিদ্ধ
- বিকল্প পথ হিচাপে জি এছ ৰোড ব্যৱহাৰৰ পৰামৰ্শ
- ২৭নং আৰু ১৭নং ৰাষ্ট্ৰীয় ঘাইপথৰ ছয়লেনে পাৰ্কিং সম্পূৰ্ণ নিষিদ্ধ
- বতাহঘুলি, পাঞ্জাবাৰী, ছয়মাইল আৰু খানাপাৰাত ন’ পাৰ্কিং জাৰি
শপতগ্ৰহণ অনুষ্ঠানৰ বাবে জাৰি গুৰুত্বপূর্ণ পথ নিৰ্দেশনা
সমগ্ৰ সমাচাৰ সেৱা
গুৱাহাটী, ১০ মে’: ১২ মে’ত অনুষ্ঠিত হ’বলগীয়া শপতগ্ৰহণ অনুষ্ঠান উপলক্ষে গুৱাহাটীত বিশেষ যান-বাহন নিয়ন্ত্ৰণ ব্যৱস্থা জাৰি কৰিছে আৰক্ষী আৰু প্ৰশাসনে। জনসাধাৰণৰ সুবিধা আৰু যানজঁট নিয়ন্ত্ৰণৰ উদ্দেশ্যে এই বিশেষ পথ নিৰ্দেশনা জাৰি কৰা হৈছে।
প্ৰশাসনৰ তথ্য অনুসৰি, পুৱা ৯ বজাৰ পৰা বিয়লি ২ বজালৈ ৰাষ্ট্ৰীয় ঘাইপথত কিছু যান-বাহনৰ চলাচল সীমিত কৰা হ’ব। বিশেষকৈ কইনাধাৰৰ পৰা বিমানবন্দৰ অভিমুখে ট্ৰাক, ডাম্পাৰ আদি গধুৰ বাহনৰ চলাচল নিষিদ্ধ থাকিব।
ইফালে, কইনাধাৰৰ পৰা জলুকবাৰীস্থিত AEC পইণ্টলৈ এতা লেনত সাধাৰণ যান-বাহন চলাচলৰ অনুমতি থাকিব বুলি জানিবলৈ দিছে আৰক্ষীয়ে। আনহাতে, ৰাষ্ট্ৰীয় ঘাইপথৰ পৰিৱৰ্তে জি এছ ৰোড ব্যৱহাৰ কৰিবলৈ চালকসকলক পৰামৰ্শ দিয়া হৈছে।
ইয়াৰ উপৰিও, ২৭নং আৰু ১৭নং ৰাষ্ট্ৰীয় ঘাইপথৰ ছয়লেন অংশত কোনো ধৰণৰ পাৰ্কিং সম্পূৰ্ণৰূপে নিষিদ্ধ কৰা হৈছে। বিশেষকৈ বতাহঘুলি, পাঞ্জাবাৰী, ছয়মাইল আৰু খানাপাৰা অঞ্চলত ন’ পাৰ্কিং ব্যৱস্থা কঠোৰভাৱে বলবৎ থাকিব।
যানজঁট এৰাই চলিবলৈ আৰু অনুষ্ঠান সুকলমে সম্পন্ন কৰিবলৈ নাগৰিকসকলক আৰক্ষীৰ নিৰ্দেশনা মানি চলিবলৈ আহ্বান জনোৱা হৈছে।
About The Author
