তৃতীয় শ্ৰেণীৰ পৰা অষ্টম শ্ৰেণীলৈ AI আৰু Computational Thinking পাঠ্যক্রম আৰম্ভ

NCERT আৰু CBSE-ৰ নতুন পাঠ্যক্রম আৰম্ভ
তৃতীয়ৰ পৰা অষ্টম শ্ৰেণীলৈ AI শিক্ষা অন্তর্ভুক্ত
Computational Thinking-কো গুৰুত্ব
গৰমৰ ছুটীত শিক্ষকসকলক বিশেষ প্ৰশিক্ষণ
বিদ্যালয় পুনৰ খোলাৰ পিছতেই পাঠদান আৰম্ভ

বিদ্যালয় শিক্ষাত নতুন পদক্ষেপ

সমগ্ৰ সমাচাৰ সেৱা
অসম, ১৩ মে’: দেশৰ বিদ্যালয় শিক্ষাত এক নতুন অধ্যায়ৰ সূচনা কৰি NCERT আৰু CBSE-এ তৃতীয় শ্ৰেণীৰ পৰা অষ্টম শ্ৰেণীলৈ শিক্ষাৰ্থীৰ বাবে Computational Thinking আৰু Artificial Intelligence (AI) বিষয় অন্তর্ভুক্ত কৰি নতুন পাঠ্যক্রম আৰম্ভ কৰিছে। এই তথ্য প্ৰকাশ কৰিছে বিদ্যালয় শিক্ষা আৰু সাক্ষৰতা বিভাগৰ সচিব সঞ্জয় কুমাৰে।

সচিবগৰাকীয়ে জানিবলৈ দিয়ে যে এই নতুন পাঠ্যক্রম ইতিমধ্যে আৰম্ভ কৰা হৈছে। ইয়াৰ অংশ হিচাপে বিদ্যালয়সমূহৰ শিক্ষকসকলক গৰমৰ ছুটীৰ সময়ছোৱাত বিশেষ প্ৰশিক্ষণ প্ৰদান কৰা হ’ব। AI আৰু ডিজিটেল শিক্ষাৰ নতুন ধাৰণাসমূহ কেনেদৰে শিক্ষাৰ্থীক বুজাব লাগে, সেই বিষয়তো শিক্ষকসকলক প্ৰশিক্ষণ দিয়া হ’ব।

বিদ্যালয়সমূহ গৰমৰ ছুটীৰ পিছত পুনৰ খোলাৰ লগে লগে এই নতুন বিষয়সমূহৰ পাঠদান আৰম্ভ কৰা হ’ব বুলি জানিব পৰা গৈছে। শিক্ষাবিদসকলৰ মতে, এই পদক্ষেপে কম বয়সতেই শিক্ষাৰ্থীক আধুনিক প্ৰযুক্তি আৰু যুক্তিভিত্তিক চিন্তাধাৰাৰ সৈতে পৰিচিত কৰাত সহায় কৰিব।