গুৱাহাটীত “PRARAMBH 2026” অভিযানৰ শুভাৰম্ভ

গুৱাহাটীত আয়কৰ বিভাগৰ “PRARAMBH 2026” অনুষ্ঠান আয়োজন
নতুন আয়কৰ আইন, ২০২৫ সন্দৰ্ভত জনসচেতনতা বৃদ্ধি লক্ষ্য
১ এপ্ৰিল ২০২৬ৰ পৰা আইনখন কার্যকৰী
“Viksit Bharat” দৃষ্টিভংগীৰ সৈতে সংগতি ৰাখি অভিযান
IRS বিষয়া স্মতি এন. লংভাহে অনুষ্ঠানত মুখ্য বক্তব্য আগবঢ়ায়

১ এপ্ৰিল ২০২৬ৰ পৰা কাৰ্যকৰী হোৱা নতুন আয়কৰ আইনক লৈ উত্তৰ-পূৰ্বাঞ্চলত ব্যাপক জনসচেতনতা অভিযান

সমগ্ৰ সমাচাৰ সেৱা
গুৱাহাটী, ৭ মে’: উত্তৰ-পূৰ্বাঞ্চলীয় আয়কৰ বিভাগে আজি গুৱাহাটীত “PRARAMBH 2026” শীৰ্ষক এক বিশেষ সচেতনতা অভিযানৰ আয়োজন কৰে। ১ এপ্ৰিল ২০২৬ৰ পৰা কার্যকৰী হোৱা নতুন আয়কৰ আইন, ২০২৫ সম্পৰ্কে সাধাৰণ নাগৰিক, কৰদাতা আৰু বিভিন্ন অংশীদাৰক অৱগত কৰাৰ উদ্দেশ্যে এই কাৰ্যসূচী গ্ৰহণ কৰা হয়।

অনুষ্ঠানত উপস্থিত থাকি Principal Chief Commissioner of Income Tax, North Eastern Region স্মতি এন. লংভাহ, IRS-এ কয় যে এই অভিযানৰ মূল লক্ষ্য হৈছে নতুন আয়কৰ আইনখনৰ বিষয়ে জনসাধাৰণৰ মাজত বুজাবুজি আৰু সচেতনতা বৃদ্ধি কৰা। তেওঁ উল্লেখ কৰে যে এই পদক্ষেপ “Viksit Bharat” গঢ়াৰ দৃষ্টিভংগীৰ সৈতে সম্পূৰ্ণভাৱে সংগতি ৰাখি আগবঢ়োৱা হৈছে।

তেওঁ লগতে কয় যে নতুন আইনখনৰ জৰিয়তে কৰ ব্যৱস্থাক অধিক স্বচ্ছ, সহজ আৰু আধুনিক ৰূপ দিয়া হৈছে, যাৰ ফলত কৰদাতাসকল অধিক সুবিধাপ্ৰাপ্ত হ’ব।
“PRARAMBH 2026” অভিযানৰ জৰিয়তে আগন্তুক দিনত উত্তৰ-পূৰ্বাঞ্চলৰ বিভিন্ন স্থানতো সচেতনতা কাৰ্যসূচী অনুষ্ঠিত হোৱাৰ সম্ভাৱনা আছে।