পশ্চিমবংগত বিজেপি নেতাৰ ব্যক্তিগত সচিবক গুলীয়াই হত্যা
- শুভেন্দু অধিকাৰীৰ PA চন্দ্ৰনাথ ৰাঠক গুলীয়াই হত্যা
- ঘটনাৰ সময়ত গাড়ীত উপস্থিত নাছিল শুভেন্দু অধিকাৰী
- দক্ষিণ ২৪ পৰগণাৰ মধ্যমগ্ৰাম অঞ্চলত সংঘটিত ঘটনা
- অজ্ঞাত দুষ্কৃতিকাৰীয়ে নিকট দূৰত্বৰ পৰা গুলীচালনা কৰে
- এতিয়ালৈকে কোনো গ্ৰেপ্তাৰ নহয়, তদন্ত অব্যাহত
বিজেপিৰ ঐতিহাসিক জয়ৰ দুদিন পিছতে সংঘটিত ঘটনা; দক্ষিণ ২৪ পৰগণাত উত্তেজনা বৃদ্ধি
সমগ্ৰ সমাচাৰ সেৱা
পশ্চিমবংগ, ৭ মে’: পশ্চিমবংগত পুনৰ ৰাজনৈতিক হিংসাৰ ঘটনাই চাঞ্চল্য সৃষ্টি কৰিছে। বিজেপি নেতা শুভেন্দু অধিকাৰীৰ ব্যক্তিগত সচিব চন্দ্ৰনাথ ৰাঠক ৬ মে’ৰ নিশা দক্ষিণ ২৪ পৰগণাৰ মধ্যমগ্ৰাম অঞ্চলত গুলীয়াই হত্যা কৰা হয়।
প্ৰাপ্ত তথ্য অনুসৰি, ঘটনাৰ সময়ত চন্দ্ৰনাথ ৰাঠ এখন বাহনত আছিল যদিও শুভেন্দু অধিকাৰী সেই বাহনত উপস্থিত নাছিল। অজ্ঞাত দুষ্কৃতিকাৰীয়ে একেবাৰে ওচৰৰ পৰা গুলীচালনা কৰে বুলি আৰক্ষীয়ে জানিবলৈ দিয়ে। গুৰুতৰভাৱে আহত ৰাঠক চিকিৎসালয়লৈ নিয়া হলেও চিকিৎসকে মৃত ঘোষণা কৰে।
এই ঘটনা পশ্চিমবংগ বিধানসভা নিৰ্বাচনত বিজেপিৰ বৃহৎ জয়ৰ মাত্ৰ দুদিন পিছতেই সংঘটিত হোৱাত ৰাজ্যজুৰি উত্তেজনা বৃদ্ধি পাইছে। নিৰ্বাচনী ফলাফল ঘোষণাৰ পিছৰে পৰা বিভিন্ন স্থানত ৰাজনৈতিক সংঘৰ্ষ আৰু হিংসাৰ অভিযোগ উত্থাপিত হৈ আহিছে।
আৰক্ষীয়ে ঘটনাৰ তদন্ত আৰম্ভ কৰিছে যদিও এতিয়ালৈকে কোনো অভিযুক্তক গ্ৰেপ্তাৰ কৰা হোৱা নাই। হত্যাৰ উদ্দেশ্য স্পষ্ট নহলেও ঘটনাক লৈ ৰাজনৈতিক মহলত তীব্ৰ প্ৰতিক্ৰিয়া দেখা গৈছে।
About The Author
