তামিলনাডুত ১খন আসনক কেন্দ্ৰ কৰি মহা টুইষ্ট!

তামিলনাডু বিধানসভাত দুই বৃহৎ ৰাজনৈতিক শিবিৰৰ মাজত সম্পূৰ্ণ টাই
দুয়োটা পক্ষৰ হাতত সমান ১১৭খনকৈ আসন
সংখ্যাগৰিষ্ঠতা নথকাৰ ফলত চৰকাৰ গঠন অনিশ্চিত
১খন আসনৰ ফলাফল বা সমৰ্থনেই নিৰ্ধাৰণ কৰিব পাৰে মুখ্যমন্ত্ৰী

সমান সমান ১১৭-১১৭ আসনত অচলাবস্থা, চৰকাৰ গঠনক লৈ তীব্ৰ উৎকণ্ঠা

সমগ্ৰ সমাচাৰ সেৱা
তামিলনাডু, ৯ মে’: তামিলনাডুৰ ৰাজনীতিত দেখা গৈছে এক চমকপ্ৰদ পৰিস্থিতি। ৰাজ্যখনৰ বিধানসভা নিৰ্বাচনৰ বৰ্তমানৰ ফলাফল অনুসৰি দুয়োটা মুখ্য ৰাজনৈতিক শিবিৰে লাভ কৰিছে সমান ১১৭খনকৈ আসন। ফলত কোনো পক্ষই এককভাৱে সংখ্যাগৰিষ্ঠতা অৰ্জন কৰিব নোৱাৰাত ৰাজ্যখনত সৃষ্টি হৈছে অচলাবস্থা।

একফালে অভিনেতা-বান্ধৱ ৰাজনীতিক Vijayৰ নেতৃত্বাধীন TVK জোটে লাভ কৰিছে ১১৭খন আসন। এই জোটত আছে TVK-ৰ ১০৮খন আসন, INC-ৰ ৫খন, CPI-ৰ ২খন আৰু CPI(M)-ৰ ২খন আসন।

অন্যফালে DMK নেতৃত্বাধীন শিবিৰেও মুঠ ১১৭খন আসন লাভ কৰিছে। এই শিবিৰত আছে DMK-ৰ ৫৯খন, ADMK-ৰ ৪৭খন, PMK-ৰ ৪খন, AMMK-ৰ ১খন, DMDK-ৰ ১খন, BJP-ৰ ১খন, VCK-ৰ ২খন আৰু IUML-ৰ ২খন আসন।

এই ফলাফলৰ পিছতেই তামিলনাডুৰ ৰাজনীতিত আৰম্ভ হৈছে তীব্ৰ জল্পনা-কল্পনা। কোন দল বা বিধায়কে কাক সমৰ্থন আগবঢ়ায়, তাৰ ওপৰতেই নিৰ্ভৰ কৰিব পৰৱৰ্তী চৰকাৰ গঠন। বিশেষকৈ এখন আসন বা এজন নিৰ্দলীয় বিধায়কৰ সমৰ্থনেই এতিয়া ৰাজ্যখনৰ মুখ্যমন্ত্ৰী নিৰ্ধাৰণ কৰিব পাৰে বুলি ৰাজনৈতিক মহলে মত প্ৰকাশ কৰিছে।

ৰাজনৈতিক বিশ্লেষকসকলৰ মতে, তামিলনাডুৰ ইতিহাসত ই এক অত্যন্ত নাটকীয় আৰু উত্তেজনাপূৰ্ণ পৰিস্থিতি হিচাপে পৰিগণিত হ’ব।