পশ্চিমবঙ্গত বিজেপি চৰকাৰৰ শপতগ্ৰহণ
- কলকাতাৰ ঐতিহাসিক ব্ৰিগেড পেৰেড গ্ৰাউণ্ডত অনুষ্ঠিত বিজেপি চৰকাৰৰ শপতগ্ৰহণ অনুষ্ঠান
- অনুষ্ঠানস্থলীত উপস্থিত প্ৰধানমন্ত্ৰী নৰেন্দ্ৰ মোদী
- পশ্চিমবঙ্গৰ মুখ্যমন্ত্ৰী হিচাপে শপত ল’ব সুভেন্দু অধিকাৰী
- বিজেপিৰ বিজয়ৰ পিছত ৰাজ্যত আৰম্ভ হ’ব নতুন ৰাজনৈতিক অধ্যায়
কলকাতাৰ ব্ৰিগেড পেৰেড গ্ৰাউণ্ডত উপস্থিত প্ৰধানমন্ত্ৰী নৰেন্দ্ৰ মোদী
সমগ্ৰ সমাচাৰ সেৱা
কলকাতা, ৯ মে’: পশ্চিমবঙ্গৰ ৰাজনীতিত এক নতুন অধ্যায়ৰ সূচনা কৰি কলকাতাৰ ঐতিহাসিক ব্ৰিগেড পেৰেড গ্ৰাউণ্ডত অনুষ্ঠিত হৈছে বিজেপি চৰকাৰৰ শপতগ্ৰহণ অনুষ্ঠান। এই অনুষ্ঠানত উপস্থিত থাকে প্ৰধানমন্ত্ৰী নৰেন্দ্ৰ মোদী, যিয়ে অনুষ্ঠানস্থলীত উপস্থিত হৈ দলীয় কৰ্মী আৰু সমৰ্থকৰ মাজত উৎসাহৰ সঞ্চাৰ কৰে।
বিজেপি বিধায়ক দলৰ নেতা সুভেন্দু অধিকাৰী পশ্চিমবঙ্গৰ নতুন মুখ্যমন্ত্ৰী হিচাপে শপত ল’ব। সদ্যসমাপ্ত বিধানসভা নিৰ্বাচনত বিজেপিয়ে সংখ্যাগৰিষ্ঠতা লাভ কৰাৰ পিছতেই ৰাজ্যখনত চৰকাৰ গঠন নিশ্চিত হয়।
বৃহৎ নিৰাপত্তা ব্যৱস্থাৰ মাজত অনুষ্ঠিত এই শপতগ্ৰহণ অনুষ্ঠানত বহু জ্যেষ্ঠ বিজেপি নেতা, কেন্দ্ৰীয় মন্ত্ৰী আৰু বিভিন্ন ৰাজ্যৰ মুখ্যমন্ত্ৰীসকলেও অংশগ্ৰহণ কৰে। ব্ৰিগেড পেৰেড গ্ৰাউণ্ডত হাজাৰ হাজাৰ সমৰ্থকৰ সমাগমে উৎসৱমুখৰ পৰিৱেশৰ সৃষ্টি কৰে।
বিজেপি নেতৃত্বই দাবী কৰিছে যে নতুন চৰকাৰে পশ্চিমবঙ্গত উন্নয়ন, আইন-শৃংখলা আৰু উদ্যোগ ক্ষেত্ৰত নতুন দিশ মুকলি কৰিব। আনহাতে, এই ৰাজনৈতিক পৰিবর্তনে ৰাজ্যৰ আগন্তুক ৰাজনীতিতো বিশেষ প্ৰভাৱ পেলাব বুলি বিশ্লেষকসকলে মত প্ৰকাশ কৰিছে।
About The Author
