CBSE দ্বাদশ শ্ৰেণীৰ ফলাফল ঘোষণা, উত্তীৰ্ণৰ হাৰ হ্ৰাস
- এইবাৰ সামগ্ৰিক উত্তীৰ্ণৰ হাৰ ৮৫.২০%
- গতবছৰ উত্তীৰ্ণৰ হাৰ আছিল ৮৮.৩৯%
- থিৰুভানন্তপুৰম অঞ্চলত সৰ্বাধিক ৯৫.৬২% উত্তীৰ্ণ
- প্ৰয়াগৰাজত সৰ্বনিম্ন ৭২.৪৩% উত্তীৰ্ণ
অফিচিয়েল ৱেবছাইট, DigiLocker আৰু UMANG App-ত উপলব্ধ ফলাফল
সমগ্ৰ সমাচাৰ সেৱা
অসম, ১৩ মে’: দেশজুৰি লক্ষাধিক শিক্ষাৰ্থীৰ অপেক্ষাৰ অন্ত পেলাই কেন্দ্ৰীয় মাধ্যমিক শিক্ষা পৰিষদে ২০২৬ বৰ্ষৰ দ্বাদশ শ্ৰেণীৰ পৰীক্ষাৰ ফলাফল ঘোষণা কৰিছে। এইবাৰ সামগ্ৰিক উত্তীৰ্ণৰ হাৰ ৮৫.২০ শতাংশ, যি গতবছৰৰ ৮৮.৩৯ শতাংশতকৈ কম।
ফলাফল প্ৰকাশৰ পিছতে দেশজুৰি শিক্ষাৰ্থী আৰু অভিভাৱকৰ মাজত আনন্দ আৰু উৎকণ্ঠাৰ মিশ্ৰ প্রতিক্ৰিয়া দেখা গৈছে। বিজ্ঞান, বাণিজ্য আৰু কলা শাখাৰ শিক্ষাৰ্থীয়ে এইবাৰ পৰীক্ষাত অংশগ্ৰহণ কৰিছিল।
আঞ্চলিক ফলাফলৰ ক্ষেত্ৰত থিৰুভানন্তপুৰমত সৰ্বাধিক ৯৫.৬২ শতাংশ উত্তীৰ্ণৰ হাৰে শীৰ্ষস্থান দখল কৰিছে। আনহাতে প্ৰয়াগৰাজ অঞ্চলত সৰ্বনিম্ন ৭২.৪৩ শতাংশ উত্তীৰ্ণৰ হাৰ ৰেকৰ্ড কৰা হৈছে।
শিক্ষাৰ্থীসকলে এতিয়া অফিচিয়েল CBSE ৱেবছাইট, DigiLocker আৰু UMANG App-ৰ জৰিয়তে নিজৰ ৰ’ল নম্বৰ আৰু লগইন তথ্য ব্যৱহাৰ কৰি ফলাফল চাব পাৰিব।
ইফালে, শীঘ্ৰেই টপাৰ তালিকা, কম্পাৰ্টমেণ্ট পৰীক্ষা আৰু পুনৰ মূল্যায়ন প্ৰক্ৰিয়া সন্দৰ্ভতো বিস্তৃত তথ্য ঘোষণা কৰিব CBSE-এ। ফলাফল ঘোষণাৰ পিছতে এতিয়া শিক্ষাৰ্থীসকলে কলেজ, বিশ্ববিদ্যালয় আৰু বিভিন্ন পেছাদাৰী পাঠ্যক্ৰমত নামভৰ্তিৰ প্ৰস্তুতি আৰম্ভ কৰিছে।
About The Author
