ড্ৰোন আৰু ৰবটৰ সহায়ত হ’ব ভৱিষ্যতৰ যুদ্ধ : বায়ুসেনা প্রধান অমৰ প্ৰীত সিং

‘পৰৱৰ্তী যুদ্ধ ড্ৰোন আৰু ৰবটৰ সহায়ত যুঁজিম’
বায়ুসেনাৰ আধুনিকীকৰণত জোৰ
‘ড্ৰোন ভৱিষ্যত নহয়, ই আজিৰ বাস্তৱ’
যুদ্ধ প্ৰস্তুতিত দ্ৰুতগতিত আগবাঢ়িছে ভাৰত

সমগ্ৰ সমাচাৰ সেৱা
অসম, ১৫ মে’: ভাৰতীয় বায়ুসেনাৰ মুৰব্বী বায়ুসেনা প্রধান অমৰ প্ৰীত সিং দেশৰ সামৰিক প্ৰস্তুতি সন্দৰ্ভত এক গুৰুত্বপূর্ণ মন্তব্য আগবঢ়াই কয় যে, ভৱিষ্যতৰ যুদ্ধত ড্ৰোন আৰু ৰবটৰ ভূমিকা হ’ব অত্যন্ত গুৰুত্বপূর্ণ। তেওঁ স্পষ্টকৈ উল্লেখ কৰে যে, “আমি পৰৱৰ্তী যুদ্ধ ড্ৰোন আৰু ৰবটৰ সহায়ত যুঁজিম।”

এটা সামৰিক অনুষ্ঠানত ভাষণ প্ৰদান কৰি বায়ুসেনা প্রধানজনে কয় যে, আধুনিক যুদ্ধৰ ধৰণ দ্ৰুতগতিত সলনি হৈ আছে আৰু তাৰ লগত খাপ খুৱাই ভাৰতেও নিজৰ প্ৰস্তুতি আগবঢ়াই লৈ গৈছে। তেওঁ কয়, “ড্ৰোন কেৱল ভৱিষ্যতৰ প্ৰযুক্তি নহয়, ই এতিয়া আজিৰ বাস্তৱ।”

অমৰ প্ৰীত সিঙে লগতে জনায় যে, ভাৰতীয় বায়ুসেনাই অত্যাধুনিক ড্ৰোন, কৃত্ৰিম বুদ্ধিমত্তা আৰু ৰবটিক ব্যৱস্থাৰ ওপৰত বিশেষ গুৰুত্ব আৰোপ কৰিছে। সীমান্ত সুৰক্ষা, নজৰদাৰী আৰু আক্ৰমণাত্মক অভিযানত এই নতুন প্ৰযুক্তিসমূহ গুৰুত্বপূর্ণ ভূমিকা পালন কৰিব বুলি তেওঁ মন্তব্য কৰে।

তেওঁৰ মতে, বিশ্বজুৰি যুদ্ধৰ ধৰণ এতিয়া প্ৰযুক্তিনিৰ্ভৰ হৈ পৰিছে। সেইবাবে ভাৰতেও আত্মনিৰ্ভৰ সামৰিক শক্তি গঢ়ি তোলাৰ লক্ষ্যৰে দ্ৰুতগতিত আধুনিকীকৰণৰ দিশত আগবাঢ়িছে।