সাংকেন উৎসৱেৰে উজলি উঠিল পূৰ্বোত্তৰঃ নতুন বছৰৰ আনন্দৰ বাৰ্তা
- তাই খামতি সম্প্ৰদায়ৰ পৰম্পৰাগত পানী উৎসৱ সাংকেন আৰম্ভ
- বুদ্ধ মূৰ্তিত পবিত্ৰ পানী ছটিয়াই শান্তি আৰু শুভ কামনা
- নতুন বছৰক আদৰণি জনোৱাৰ সাংস্কৃতিক পৰম্পৰা
- মধ্য-এপ্ৰিলত ভাৰতৰ বিভিন্ন ৰাজ্যত ভিন্ন নামত নতুন বছৰ উদযাপন
নাম বেলেগ হলেও আনন্দ আৰু ঐক্যৰ অনুভূতি একে
সমগ্ৰ সামাচাৰ সেৱা
অসম, ১৪ এপ্ৰিল: অসম তথা অৰুণাচল প্ৰদেশৰ তাই খামতি সম্প্ৰদায়ৰ অন্যতম গুৰুত্বপূৰ্ণ উৎসৱ সাংকেন এইবাৰো বৃহৎ উৎসাহ-উদ্দীপনাৰে উদযাপন কৰা হৈছে। এই উৎসৱ সাধাৰণতে ১৪ আৰু ১৫ এপ্ৰিলত অনুষ্ঠিত হয় আৰু ই তাই খামতি জনগোষ্ঠীৰ নতুন বছৰৰ আৰম্ভণিৰ প্ৰতীক হিচাপে গণ্য কৰা হয়।
সাংকেন উৎসৱৰ সময়ত বুদ্ধ মূৰ্তিত পবিত্ৰ পানী ছটিয়াই মানুহে নিজৰ মন-প্ৰাণ শুদ্ধ কৰাৰ লগতে সমাজত শান্তি, সৌহাৰ্দ্য আৰু সমৃদ্ধিৰ কামনা কৰে। লগতে বিভিন্ন ঠাইত ধৰ্মীয় কাৰ্যসূচী, সাংস্কৃতিক অনুষ্ঠান আৰু সমূহীয়া মিলনমেলা অনুষ্ঠিত হয়।
উল্লেখযোগ্য যে ভাৰতত প্ৰায় একে সময়তে অৰ্থাৎ মধ্য-এপ্ৰিলত বহু ৰাজ্যত নতুন বছৰ উদযাপন কৰা হয়। অসমত ৰঙালী বিহু, কেৰালাত বিষু, তামিলনাডুত পুথাণ্ডু, পশ্চিমবংগত পহেলা বৈশাখ আদিৰ দৰে উৎসৱেৰে নতুন বছৰৰ আৰম্ভণি উদযাপন কৰা হয়। যদিও উৎসৱৰ নাম বেলেগ, তথাপিও নতুন আশা, আনন্দ আৰু ঐক্যৰ অনুভূতি সকলোৰে মাজত একে থাকে।
About The Author
