তামিলনাড়ুত ৭১৭টা TASMAC দোকান বন্ধৰ নিৰ্দেশ মুখ্যমন্ত্ৰী বিজয়ৰ
- তামিলনাড়ুত ২ সপ্তাহৰ ভিতৰত ৭১৭টা TASMAC দোকান বন্ধৰ নিৰ্দেশ
- মন্দিৰ, বিদ্যালয়, কলেজ আৰু বাছ আস্থানৰ ওচৰত অৱস্থিত দোকানসমূহ লক্ষ্য
- ৰাজ্যখনত মুঠ TASMAC দোকানৰ সংখ্যা ৪,৭৬৫
- সমীক্ষাত চিহ্নিত ২৭৬টা ধৰ্মীয় স্থানৰ ওচৰৰ দোকান
- কঠোৰ সিদ্ধান্ত তামিলনাড়ু চৰকাৰৰ
সমগ্ৰ সমাচাৰ সেৱা
তামিলনাডু, ১২ মে’: তামিলনাড়ুৰ মুখ্যমন্ত্ৰী চি. জোচেফ বিজয়ে ৰাজ্যজুৰি মন্দিৰ, বিদ্যালয়, কলেজ আৰু বাছ আস্থানৰ ৫০০ মিটাৰৰ ভিতৰত অৱস্থিত ৭১৭টা TASMAC মদৰ দোকান বন্ধ কৰাৰ নিৰ্দেশ জাৰি কৰিছে। চৰকাৰে এই পদক্ষেপ দুসপ্তাহৰ ভিতৰত কাৰ্যকৰী কৰিবলৈ নিৰ্দেশ দিছে।
চৰকাৰী সমীক্ষাত প্ৰকাশ পাইছে যে বহু TASMAC দোকান সংবেদনশীল এলেকাৰ অতি কাষত চলি আছিল। সমীক্ষা অনুসৰি—
২৭৬টা দোকান ধৰ্মীয় স্থানৰ ওচৰত
১৮৬টা দোকান শিক্ষানুষ্ঠানৰ কাষত
২৫৫টা দোকান বাছ আস্থানৰ সমীপত অৱস্থিত
এই তথ্যৰ ভিত্তিতেই চৰকাৰে দোকানসমূহ বন্ধ কৰাৰ সিদ্ধান্ত গ্ৰহণ কৰে।
চৰকাৰৰ মতে, শিক্ষাৰ্থী, সাধাৰণ যাত্ৰী আৰু ধৰ্মীয় স্থানসমূহৰ পৰিৱেশ সুৰক্ষিত ৰাখিবলৈ এই সিদ্ধান্ত লোৱা হৈছে। ইতিমধ্যে আবকাৰী বিভাগ আৰু জিলা প্ৰশাসনক নিৰ্দেশ দিয়া হৈছে যাতে নিৰ্ধাৰিত সময়সীমাৰ ভিতৰত দোকানসমূহ বন্ধ কৰা হয়। এই সিদ্ধান্তক লৈ ৰাজ্যজুৰি ব্যাপক আলোচনা আৰম্ভ হৈছে।
About The Author
