ওমেনিয়া :মহিলা উদ্যোগী SHG সমূহে চৰকাৰী ক্ৰেতাৰ,পোনপটীয়া ব্যৱসায় কৰাৰ সুযোগ

হস্তশিল্প, হস্ততাঁত, জুট, কোয়াৰ, হোম ডেক’ৰ আৰু অফিচ ফাৰ্নিচিং আদি বিশেষ শ্ৰেণীত অন্তৰ্ভুক্ত
২০২৫–২৬ বিত্তীয় বৰ্ষত ২.১ লাখতকৈ অধিক মহিলা MSEs-এ ১৩.৭ লাখ অৰ্ডাৰ লাভ কৰিছে
মহিলা MSEs-ক প্ৰদান কৰা চুক্তিৰ মুঠ মূল্য ₹২৮,০০০ কোটিতকৈ অধিক
পূৰ্ববৰ্ষৰ তুলনাত ২৭.৬০% বৃদ্ধি
জিইএম-ৰ মুঠ অৰ্ডাৰৰ ৫.৬% মহিলা উদ্যোগীসকলে লাভ কৰিছে, যি বাধ্যতামূলক ৩% লক্ষ্য অতিক্ৰম কৰিছে
জিইএম প্লেটফৰ্মৰ জৰিয়তে চৰকাৰী বজাৰত মহিলাসকলৰ বাবে সোজা প্ৰৱেশাধিকাৰ নিশ্চিত

সমগ্ৰ সামাচাৰ সেৱা
নতুন দিল্লী ,১০ এপ্ৰিল: মহিলা উদ্যোগীসকলৰ অৰ্থনৈতিক শক্তিশালীকৰণৰ লক্ষ্যৰে আৰম্ভ কৰা ‘ওমেনিয়া’ উদ্যোগে দেশজুৰি মহিলা উদ্যোগীকৰণত এক গুৰুত্বপূৰ্ণ ভূমিকা পালন কৰিছে। এই উদ্যোগৰ জৰিয়তে মহিলা উদ্যোগী আৰু আত্মসহায়ক গোট (SHGs) সমূহে চৰকাৰী ই-ব্যৱসায়িক ক্ষেত্ৰৰ পৰিচয় (জিইএম)প্লেটফৰ্মত পোনপটীয়াকৈ নিজৰ সামগ্ৰী বিক্ৰী কৰাৰ সুবিধা লাভ কৰিছে।

বিশেষকৈ গ্ৰাম্য আৰু ক্ষুদ্ৰ উদ্যোগৰ সৈতে জড়িত মহিলা উদ্যোগীসকলৰ বাবে এই ব্যৱস্থা এক ডাঙৰ সুযোগ হিচাপে পৰিগণিত হৈছে। হস্তশিল্প, হস্ততাঁত, জুট সামগ্ৰী, কোয়াৰ সামগ্ৰী, ঘৰুৱা সজ্জা সামগ্ৰী আৰু অফিচ ফাৰ্নিচিং আদি শ্ৰেণীত তেওঁলোকৰ উৎপাদিত সামগ্ৰী চৰকাৰী সংস্থাসমূহে ক্ৰয় কৰি আহিছে।

চলিত ২০২৫–২৬ বিত্তীয় বৰ্ষত ২.১ লাখতকৈ অধিক মহিলা ক্ষুদ্ৰ উদ্যোগ (MSEs) জিইএম প্লেটফৰ্মত পঞ্জীয়নভুক্ত কৰা হৈছে আৰু ১৩.৭ লাখ অৰ্ডাৰ লাভ কৰিবলৈ সক্ষম হৈছে। ইয়াৰ উপৰিও মহিলা উদ্যোগীসকলক প্ৰদান কৰা মুঠ চুক্তিৰ মূল্য ₹২৮,০০০ কোটিতকৈ অধিক হৈছে, যি পূৰ্ববৰ্ষৰ তুলনাত ২৭.৬০ শতাংশ বৃদ্ধি দেখুৱাইছে।
উল্লেখযোগ্য যে জিইএম প্লেটফৰ্মৰ মুঠ অৰ্ডাৰৰ ৫.৬ শতাংশ মহিলা উদ্যোগীসকলৰ দখললৈ গৈছে, যি চৰকাৰৰ নিৰ্ধাৰিত ৩ শতাংশ লক্ষ্যতকৈ যথেষ্ট অধিক। এই সফলতাই দেশত মহিলা উদ্যোগীকৰণ আৰু অৰ্থ-সামাজিক উন্নয়নৰ ক্ষেত্ৰত ‘ওমেনিয়া’ উদ্যোগৰ গুৰুত্ব পুনৰ প্ৰতিষ্ঠা কৰিছে।