অসমজুৰি মূল্যবৃদ্ধিৰ বিৰুদ্ধে ২২ মে’ত আছুৰ প্ৰতিবাদ
Oplus_131072
- ২২ মে’ত অসমজুৰি প্ৰতিবাদী কাৰ্যসূচী ঘোষণা আছুৰ
- অত্যাৱশ্যকীয় সামগ্ৰীৰ মূল্যবৃদ্ধিত
- জনসাধাৰণৰ ওপৰত আৰ্থিক চাপ
- খাদ্য সামগ্ৰী আৰু নিত্য প্ৰয়োজনীয় বস্তুৰ দাম কমাবলৈ চৰকাৰক হস্তক্ষেপৰ দাবী
- ইন্ধনৰ মূল্যবৃদ্ধিয়ে জীৱনযাত্ৰাৰ ব্যয় অধিক বৃদ্ধি কৰাৰ অভিযোগ
ৰাজ্যজুৰি প্ৰতিবাদৰ ঘোষণা
সমগ্ৰ সমাচাৰ সেৱা
অসম, ২০ মে’: অত্যাৱশ্যকীয় সামগ্ৰীৰ অব্যাহত মূল্যবৃদ্ধিৰ বিৰুদ্ধে ২২ মে’ত অসমজুৰি প্ৰতিবাদী কাৰ্যসূচী ঘোষণা কৰিছে সদৌ অসম ছাত্ৰ সন্থা (আছু)-এ। নিত্য প্ৰয়োজনীয় সামগ্ৰী আৰু খাদ্য বস্তুৰ দাম বৃদ্ধি পোৱাত সাধাৰণ জনতাৰ জীৱনযাত্ৰাত যথেষ্ট প্ৰভাৱ পৰিছে বুলি সংগঠনটোৱে উল্লেখ কৰিছে।
আছুৰ সভাপতি উৎপল শৰ্মাই কয় যে, অত্যাৱশ্যকীয় সামগ্ৰীৰ মূল্য উল্লেখযোগ্যভাৱে বৃদ্ধি পাইছে, যাৰ ফলত জনসাধাৰণৰ ওপৰত আৰ্থিক চাপ বৃদ্ধি পাইছে। মূল্যবৃদ্ধি নিয়ন্ত্ৰণৰ বাবে গ্ৰহণ কৰা পদক্ষেপসমূহ ফলপ্ৰসূ হোৱা নাই বুলিও তেওঁ অভিযোগ কৰে।
আছুৰ পক্ষৰ পৰা জানিবলৈ দিয়া হৈছে যে, খাদ্য সামগ্ৰী আৰু দৈনন্দিন ব্যৱহাৰৰ অত্যাৱশ্যকীয় বস্তুৰ মূল্য হ্ৰাসৰ বাবে চৰকাৰে তাৎক্ষণিক হস্তক্ষেপ কৰিব লাগে। লগতে ইন্ধনৰ মূল্যবৃদ্ধিৰ ফলত সামগ্ৰিকভাৱে জীৱনযাত্ৰাৰ ব্যয় অধিক বৃদ্ধি পোৱা বুলিও সংগঠনটোৱে উল্লেখ কৰিছে। এই দাবীৰ সমৰ্থনত ২২ মে’ত ৰাজ্যজুৰি প্ৰতিবাদ সাব্যস্ত কৰিব আছু।
About The Author
