ভাইচ এডমিৰেল কৃষ্ণা স্বামীনাথন হ’ব ভাৰতীয় নৌসেনাৰ নতুন মুৰব্বী

ভাইচ এডমিৰেল কৃষ্ণা স্বামীনাথনক নতুন নৌসেনা প্ৰধান হিচাপে নিযুক্তি
৩১ মে’ত দায়িত্ব গ্ৰহণ কৰিব
বৰ্তমান পশ্চিমী নৌসেনা কমাণ্ডৰ নেতৃত্বত আছে
বিদায়ী নৌসেনা প্ৰধান এডমিৰেল দিনেশ কুমাৰ ত্ৰিপাঠীৰ স্থান ল’ব
নতুন দায়িত্বত কৃষ্ণা স্বামীনাথন

সমগ্ৰ সমাচাৰ সেৱা
দিল্লী, ১২ মে’: ভাৰতৰ প্রতিৰক্ষা মন্ত্ৰালয়ে ভাইচ এডমিৰেল কৃষ্ণা স্বামীনাথনক দেশৰ পৰৱৰ্তী নৌসেনা প্ৰধান হিচাপে নিযুক্তি দিয়াৰ ঘোষণা কৰিছে। তেওঁ অহা ৩১ মে’ত বৰ্তমানৰ নৌসেনা প্ৰধান দিনেশ কুমাৰ ত্ৰিপাঠীৰ স্থান গ্ৰহণ কৰিব।

বৰ্তমান ভাইচ এডমিৰেল স্বামীনাথনে ভাৰতীয় নৌসেনাৰ পশ্চিমী নৌসেনা কমাণ্ডৰ কমাণ্ডাৰ হিচাপে দায়িত্ব পালন কৰি আছে। নৌসেনাৰ কৌশলগত অভিযান, সামুদ্ৰিক সুৰক্ষা আৰু আধুনিকীকৰণৰ ক্ষেত্ৰত তেওঁৰ অভিজ্ঞতা বিশেষভাৱে উল্লেখযোগ্য বুলি ধৰা হয়।

প্ৰতিৰক্ষা বিশেষজ্ঞসকলৰ মতে, ভাৰত মহাসাগৰীয় অঞ্চলত চীনৰ বাঢ়ি অহা সক্ৰিয়তাৰ মাজত নতুন নৌসেনা প্ৰধান হিচাপে কৃষ্ণা স্বামীনাথনৰ নিযুক্তি যথেষ্ট গুৰুত্বপূর্ণ। তেওঁৰ নেতৃত্বত ভাৰতীয় নৌসেনাই অধিক শক্তিশালী আৰু আধুনিক ৰূপ লাভ কৰিব বুলি আশা প্ৰকাশ কৰা হৈছে।

নৌসেনাৰ উচ্চ পৰ্যায়ত দীৰ্ঘদিনীয়া অভিজ্ঞতা থকা স্বামীনাথনে বিভিন্ন কৌশলগত আৰু অভিযানমূলক দায়িত্ব সফলভাৱে পালন কৰি আহিছে।